- Айранын берсенг, челегин да къызгъанма.
- Элиб деген, элге болушур.
- Адамны бетине къарама, адетине къара.
- Ёзденликни кёбю ётюрюк.
- Акъыл бла адеб эгизледиле.
- Атлыны кёрсе, джаяуну буту талыр.
- Айныгъанлы алты кюн, тогъайгъанлы тогъуз кюн.
- Кёлю джокъну – джолу джокъ.
- Этек чакъмакълары баш джаргъан, сёлешген сёзлери таш джаргъан.
- Аман къатын алгъан, арыр, иги къатын алгъан джарыр.
- Эм уллу байлыкъ – джан саулукъ.
- Къолу уллу – асыу, аягъы уллу – джарсыу.
- Ёлюк кебинсиз къалмаз.
- Ишге юренсин къоллары, халкъ бла болсун джоллары.
- Аман эсирсе, юйюн ояр.
- Акъыллы эркиши атын махтар, акъылсыз эркиши къатынын махтар.
- Акъыл сабырлыкъ берир.
- Кесине гебен этелмеген, биреуге черен эте эди.
- Ётюрюкню башын керти кесер.
- Адам сёзюнден белгили.
- Тойгъанлыкъ къойгъа джарашады.
- Эл тойса, тоймагъан, эл къойса, къоймагъан.
- Ариуну – ауруу кёб.
- Ашхы атаны – джашы ашхы, ашхы ананы – къызы ашхы.
- Таукелге нюр джауар.
- Башы ишлегенни, ауузу да ишлер.
- Къая джолда джортма, ачыкъ сёзден къоркъма.
- Окъугъан – асыу, окъумагъан – джарсыу.
- Чалманны аллы къалай башланса, арты да алай барады.
- Биреуге аманлыкъ этиб, кесинге игилик табмазса.
- Къалгъан ишге къар джауар.
- Окъуу – билимни ачхычы, окъуу – дунияны бачхычы.
- Кечеси – аяз, кюню – къыш, джарлы къаргъагъа бир аш тюш!
- Таукел къуру къалмаз.
- Аууз сакълагъан – джан сакълар.
- Къарнынг ауруса, ауузунгу тый
- Билим – акъылны чырагъы.
- Къызгъанчдан ычхыныр, мухардан ычхынмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Эркишиге тары кебек танг кёрюнюр.
- Олтуруб кёрюнмей эди да, ёрге туруб кёрюне эди.
- Къарт болгъан джерде, берекет болур, сабий болгъан джерде, оюн болур.
- Ашатыргъа иш – ашхы, ишлетирге аш – ашхы.
- Ёлген эшек бёрюден къоркъмайды.
- Джылыгъа джылан илешир.
- Урама да – ёледи, сатама да – келеди.
- Ойнай билмеген, оюн бузар.
- Къызны минг тилер, бир алыр.
- Ишни ахырын ойламай, аллын башлама.
- Байлыкъдан саулукъ ашхыды.
Урал, Болгария, Катар, Кавказ, Иран
03.10.2012