- Уллу сёзде уят джокъ.
- Гырджын – тепсини тамадасы.
- Джюрекден джюрекге джол барды.
- Джарлыны эшигин махтагъан джабар.
- Намыс болмагъан джерде, насыб болмаз.
- Байлыкъ келсе, акъыл кетер.
- Аш кетер да бет къалыр.
- Эки къатын алгъан – эки ташны ортасына башын салгъан.
- Чалманны аллы къалай башланса, арты да алай барады.
- Сибиртки да сыйлы болду, кюрек да кюнлю болду.
- Къонакъ болсанг, ийнакъ бол.
- Тенгни тенглиги джашай барсанг билинир.
- Кийиминг бла танылма, адамлыкъ бла таныл.
- Тюзню ётмеги тюзде къалса да, тас болмаз.
- Сакъламагъан затынга джолукъсанг, не бек къууанаса, не бек ачыйса.
- Айраннга суу къош, телиге джол бош.
- Кёлю джокъну – джолу джокъ.
- Башы джабылгъан челекге, кир тюшмез.
- Къайгъы тюбю – тенгиз.
- Чоюнну башы ачыкъ болса, итге уят керекди.
- Мураты болгъанны джюрек тебюую башхады.
- Адам къыйынлыгъын кёлтюрюр, зауукълугъун кёлтюрмез.
- Халкъгъа джарагъан, джарлы къалмаз.
- Иесиз малны бёрю ашар.
- Аш иеси бла татлыды.
- Къатын байлыкъны сюер, эр саулукъну сюер.
- Джангыз терек къынгыр ёсер.
- Термилгенинги табмазса, кюлгенинге тюберсе.
- Таш бла ургъанны, аш бла ур.
- Айтханы чапыракъдан ётмеген.
- Билгенни къолу къарны джандырыр.
- Адамны бетине къарама, адетине къара.
- Башда акъыл болмаса, эки аякъгъа кюч джетер.
- Кюл тюбюндеги от кёрюнмейди.
- Шайтан алдады, тюзлюк къаргъады.
- Рысхы джалгъанды: келген да этер, кетген да этер.
- Рысхы – насыбха къор.
- Байма, деб да, къууанма, джарлыма, деб да, джылама.
- Эркишиге тары кебек танг кёрюнюр.
- Сескекли кесин билдирир.
- Эл тойса, тоймагъан, эл къойса, къоймагъан.
- Адеб базарда сатылмаз.
- Алтыда кюлмеген, алтмышда кюлмез.
- Чабакъсыз кёлге къармакъ салгъанлыкъгъа, чабакъ тутмазса.
- Ариу – кёзге, акъыл – джюрекге.
- Джангыз торгъай джырламаз.
- Къралынгы – душмандан, башынгы от бла суудан сакъла.
- Къанны къан бла джуума, аманны аман бла къуума.
- Оюмсуз атлагъан, аджалсыз ёлюр.
- Ачны эсинде – аш.
Урал, Болгария, Катар, Кавказ, Иран
03.10.2012