Эльбрусоид :: Эльбрусоид :: Урал, Болгария, Катар, Кавказ, Иран

Ёмюрлюк шохлукъну джел элтмез.
Къууут – джелге, берне – бошха.
Телиге акъыл салгъандан эсе, ёлгеннге джан салырса.
Ашхы тенг джолгъа салыр, аман тенг джолдан тайдырыр.
Ёксюзню къалачы уллу кёрюнюр.
Тойну къарнашы – харс, джырны къарнашы – эжиу.
Къызбайны юйюне дери сюрсенг, батыр болур.
Тешик этген тынчды, аны джамагъан къыйынды.
Адам сёзюнден белгили.
От этилмеген джерден тютюн чыкъмайды.
Аууздан келген, къолдан келсе, ким да патчах болур эди.
Игини сыйлагъан адетди.
Сууда джау джокъ, кёб сёзде магъана джокъ.
Эллинг бла джау болсанг да, юйюнг бла джау болма.
Джылыгъа джылан илешир.
Огъурлуну сёзю – суу, огъурсузну сёзю – уу.
Тамбла алтындан бюгюн багъыр ашхы.
Онгсузну – джакъла, тенгликни – сакъла.
Ишни ахырын ойламай, аллын башлама.
Рысхы – насыбха къор.
Ариу сёзде ауруу джокъ.
Джашда акъыл джокъ, къартда къарыу джокъ.
Кенгеш болса, уруш болмаз.
Тамчы таш тешер.
Мухардан ач ычхынмаз.
Таукел тауну аудурур.
Джырына кёре эжиую.
Элге къуллукъ этмеген, элге ие болмаз.
Бозаны арты дауур болур.
«Ёгюз, джаргъа джууукъ барма, меннге джюк боллукъса», - дегенди эшек.
Джаш болсун, къыз болсун, акъылы, саны тюз болсун.
Чабакъ башындан чирийди.
Кёз – сюйген джерде, къол – ауругъан джерде.
Джаралыны джастыгъында сау ёлюр.
Булут кёкге джарашыу, уят бетге джарашыу.
Кесинг сынамагъан затны, адамгъа буюрма.
Бастасын ашагъан, хантусун да ичер.
Ёгюзню мюйюзюнден тутадыла, адамны сёзюнден тутадыла.
Эринчекни аурууу – кёб.
Тёзген – тёш ашар!
Дуния аламаты сен эсенг да, игиме деб айтма.
Битмегеннге сакъал – танг.
Этни да ашады, бетни да ашады.
Кютгени беш эчки, сызгъыргъаны уа, джерни джарады.
Чабакъсыз кёлге къармакъ салгъанлыкъгъа, чабакъ тутмазса.
Сёз къанатсыз учар.
Чакъырылмагъан джерге барма, чакъырылгъан джерден къалма.
Айтылгъан сёз ызына къайтмаз.
Айранын берсенг, челегин да къызгъанма.
Татлы тилде – сёз ариу, чемер къолда – иш ариу.