- Мен да «сен», дейме, сен да «кесим», дейсе.
- Ашхы болсанг, атынг чыгъар, аман болсанг, джанынг чыгъар.
- Огъурлуну сёзю – суу, огъурсузну сёзю – уу.
- Тил – миллетни джаны.
- Керилген да, ургъан кибикди.
- Кёкдеги болмаса, джердегин кёрмейди.
- Сёлеш деб шай берген, тохта деб, сом берген.
- Тенгинг джокъ эсе – изле, бар эсе – сакъла!
- Таугъа чыгъаллыкъ эсенг, тюзде къалма.
- Байны оноуу, джарлыгъа джарамаз.
- Иесиз малны бёрю ашар.
- Тюзлюк тас болмайды.
- Адамны адамлыгъы къыйынлыкъда айгъакъланады.
- Алтыда кюлмеген, алтмышда кюлмез.
- Дууулдаса – бал чибин, къонса – къара чибин.
- Ичимден чыкъды хата, къайры барайым сата?
- Азыкъ аз болса, эртде орун сал.
- Билим – акъылны чырагъы.
- Абынмазлыкъ аякъ джокъ, джангылмазлыкъ джаякъ джокъ.
- Байма, деб да, къууанма, джарлыма, деб да, джылама.
- Окъдан джара эртде-кеч болса да бителир, сёз джара, ёмюрге къалыр.
- Билими азны – ауузунда кирит.
- Бек ашыкъгъан меннге джетсин, дегенди аракъы.
- Кийим тукъум сордурур.
- Алим болгъандан эсе, адам болгъан къыйынды.
- Эл ауузу – элек, анга ийнаннган – халек.
- Ёгюзню мюйюзюнден тутадыла, адамны сёзюнден тутадыла.
- Бир абыннган – минг сюрюнюр.
- Кёлю джокъну – джолу джокъ.
- Алма терегинден кери кетмез.
- Адам сёзге тынгыла, акъыл сёзню ангыла.
- Билим насыб берир, билим джолну керир.
- Джукъу тёшек сайламайды.
- Ата джурт – алтын бешик.
- Башынга джетмегенни сорма.
- Азыгъы аз, алгъа къабар, аты аман, алгъа чабар.
- Биреуню эскиси биреуге джангы болмайды.
- Аманны тукъумуна къарама, игини тукъумун сорма.
- Этни бети бла шорпасы.
- Эки итни арасына сюек атма, эки адамны арасында сёз чыгъарма.
- Кёзюнде тереги болгъан, чёбю болгъаннга кюле эди.
- Этни да ашады, бетни да ашады.
- Хар адамгъа кеси миннген тау кибик.
- Къызны минг тилер, бир алыр.
- Ёлюк кебинсиз къалмаз.
- Aдам боллукъ, сыфатындан белгили.
- Къралынгы – душмандан, башынгы от бла суудан сакъла.
- Адам туугъан джеринде, ит тойгъан джеринде.
- Окъ къызбайны джокълайды.
- Къонакъ аз олтурур, кёб сынар.
Урал, Болгария, Катар, Кавказ, Иран
03.10.2012