- Элни кючю – эмеген.
- Эки къатын алгъанны къулагъы тынгнгаймаз.
- Шекер бла туз – бир болмаз, ушамагъан – юй болмаз.
- Билим – акъылны чырагъы.
- Биреуню къыйынлыгъы бла кесинге джол ишлеме.
- Ачны эсинде – аш.
- Тай асырагъан, атха минер.
- Къонагъынгы артмагъын алма да, алгъышын ал.
- Адеб этмеген, адеб кёрмез.
- Ачылгъан эт джабылыр, кёрген кёз унутмаз.
- Ариу сёзде ауруу джокъ.
- Садакъачыны джаны – къапчыгъында.
- Тиширыусуз юй – отсуз от джагъа.
- Дуния аламаты сен эсенг да, игиме деб айтма.
- Ишлерге уял да, ашаргъа табма.
- Ачлыкъ отха секиртир.
- Джырчы ёлсе, джыры къалыр.
- Ата – баланы уясы.
- Ёзденликни кёбю ётюрюк.
- Узун джолну барсанг, бюгюн келирсе, къысха джолну барсанг, тамбла келирсе.
- Тюзню ётмеги тюзде къалса да, тас болмаз.
- Адам боллукъ, атламындан белгили болур.
- Окъ къызбайны джокълайды.
- Алтыннга тот къонмаз.
- Терслик кетер, тюзлюк джетер.
- Къарнынг тойгъунчу аша да, белинг талгъынчы ишле.
- Ханнга да келеди хариблик.
- Окъуусуз билим – джокъ, билимсиз кюнюнг – джокъ.
- Юй ишлеген балта эшикде къалыр.
- Хаухну атма, ёнгкючню сатма.
- Ата Джуртча джер болмаз, туугъан элча эл болмаз.
- Адамны сыфатына къарама, сёзюне къара.
- Ашлыкъны арба юйге келтирир, чана базаргъа элтир.
- Ауурну тюбю бла, дженгилни башы бла джюрюген.
- Керти сёзге тёре джокъ.
- Аурууну келиую тынч, кетиую – къыйын.
- Асхат ашлыкъ сата, юйдегиси ачдан къата.
- Халкъгъа джарагъан, джарлы къалмаз.
- Сакъламагъан затынга джолукъсанг, не бек къууанаса, не бек ачыйса.
- Олтуруб кёрюнмей эди да, ёрге туруб кёрюне эди.
- Джуртун къоругъан озар.
- Къозулугъунда тоймагъан, къойлугъунда тоймаз.
- Билимсиз иш бармаз.
- Терек ауса, отунчу – кёб.
- Ашыкъгъанны этеги бутуна чырмалыр.
- Тенги кёбню джау алмаз, акъылы кёбню дау алмаз.
- Нёгер болсанг, тенг бол, тенг болмасанг, кенг бол.
- Къайгъыны сюйген, къайгъы табар.
- Акъыл къартда, джашда тюйюлдю – башдады.
- Этни бети бла шорпасы.
Урал, Болгария, Катар, Кавказ, Иран
03.10.2012