Эльбрусоид :: Эльбрусоид :: Урал, Болгария, Катар, Кавказ, Иран

Билим къая тешер.
Чабакъгъа акъыл, табагъа тюшсе келеди.
Окъумагъан сокъурду, сокъур ташха абыныр!
Биреу ашаб къутулур, биреу джалаб тутулур.
Байлыкъ келсе, акъыл кетер.
Керилген да, ургъан кибикди.
Этни бети бла шорпасы.
Агъач – джерни чырайы, кийим – эрни чырайы.
Ауругъанны сау билмез, ач къарынны токъ билмез.
Чакъырылмагъан къонакъ тёрге атламаз.
Тойну къарнашы – харс, джырны къарнашы – эжиу.
Ёпкелегенни ашы татлы болады.
Ачны эсинде – аш.
Кёпюр салгъан кеси ётер, уру къазгъан кеси кетер.
Ётюрюкден тюбю джокъ, кёлтюрюрге джиби джокъ.
Ач къалгъандан, кеч къалгъан къолай.
Урама да – ёледи, сатама да – келеди.
Эрине къаргъыш этген къатын, эрнин къабар.
Ёгюзню мюйюзлери ауурлукъ этмейдиле.
Джашынгы кесинг юретмесенг, джашау юретир.
Кёб къычыргъандан – къоркъма, тынч олтургъандан – къоркъ.
Билмегенинги, билгеннге сор.
Тай асырагъан, атха минер.
Мухарны эси – ашарыкъда.
Келинни – келгинчи, бёркню кийгинчи кёр.
Баш болса, бёрк табылыр.
Иги бла джюрюсенг, джетерсе муратынга, аман бла джюрюсенг, къалырса уятха.
Аджал соруб келмез, келсе, къайтыб кетмез.
Башынга джетмегенни сорма.
Хоншуну тауугъу къаз кёрюнюр, келини къыз кёрюнюр.
Арба аугъандан сора, джол кёргюзтюучю кёб болур.
Ишлерге уял да, ашаргъа табма.
Ашхылыкъ джерде джатмайды, аманлыкъ суугъа батмайды.
Адамны адамлыгъы къыйынлыкъда айгъакъланады.
Нёгер болсанг, тенг бол, тенг болмасанг, кенг бол.
Олтуруб кёрюнмей эди да, ёрге туруб кёрюне эди.
Тёзген – тёш ашар!
Бал ашаргъа сюе эсенг, чибин ургъаннга тёз.
Кесине гебен этелмеген, биреуге черен эте эди.
Ашатыргъа иш – ашхы, ишлетирге аш – ашхы.
Эски джаугъа ышанма.
Арпа, будай – ащды, алтын, кюмюш а – ташды.
Кюн – узун, ёмюр – къысха.
Аякъларынгы джууургъанынга кёре узат.
Ургъан суудан башынгы сакъла.
Бермеген къол, алмайды.
Башсыз урчукъ тюзюне айланмаз.
Эл бла кёргенинг эрелей.
Билим ат болуб да чабар, къуш болуб да учар.
Хантына кёре тузу, юйюне кёре къызы.