Эльбрусоид :: Эльбрусоид :: Урал, Болгария, Катар, Кавказ, Иран

Биреу ашаб къутулур, биреу джалаб тутулур.
Тойгъандан сора, ашны сёкме.
Билеги кючлю, бирни джыгъар, билими кючлю, мингни джыгъар.
Аууздан келген, къолдан келсе, ким да патчах болур эди.
Акъыл къартда, джашда тюйюлдю – башдады.
Бастасын ашагъан, хантусун да ичер.
Кёзю сокъурдан – къоркъма, кёлю сокъурдан – къоркъ.
Къазанда болса, чолпугъа чыгъар.
Къолу уллу – асыу, аягъы уллу – джарсыу.
Джюрекге ариу – кёзге да ариу.
Сагъышы джокъ – джукъучу, акъылы джокъ – къаугъачы.
Тойну къарнашы – харс, джырны къарнашы – эжиу.
Окъугъан озар, окъумагъан тозар.
Бети бедерден, намыс сакълама.
Къанны къан бла джуума, аманны аман бла къуума.
Ата – билек, ана – джюрек!
Айыбны суу бла джууалмазса.
Байлыкъ болгъан джерде, тынчлыкъ джокъду.
Айтханы чапыракъдан ётмеген.
Келинни – келгинчи, бёркню кийгинчи кёр.
Ёгюзню мюйюзюнден тутадыла, адамны сёзюнден тутадыла.
Тилде сюек болмаса да, сюек сындырыр.
Акъыл неден да кючлюдю.
Къайгъыны сюйген, къайгъы табар.
Накъырданы арты керти болур.
Адам къаллай бир ишленмесе, аллай бир кесин уллу кёреди.
Термилгенинги табмазса, кюлгенинге тюберсе.
Къозулугъунда тоймагъан, къойлугъунда тоймаз.
Ётюрюк хапар аякъ тюбю бла джюрюйдю.
Хата – гитчеден.
Намысы болмагъанны, сыйы болмаз.
Босагъагъа джууукъ орун болса, ашыгъыб тёрге озма.
Эте билген, этген этеди, эте билмеген, юретген этеди!
Келлик заман – къартлыкъ келтирир, кетген заман – джашлыкъ ёлтюрюр.
Кютгени беш эчки, сызгъыргъаны уа, джерни джарады.
Аманнга алтын чыдамаз.
Ишленмеклик адамлыкъды.
Тойгъан антын унутур.
Ёлген ийнек сютлю болур.
Сёз къанатсыз учар.
Ачыу алгъа келсе, акъыл артха къалады.
Кюн кёрмеген, кюн кёрсе, кюндюз чыракъ джандырыр.
Атадан ёксюз – бир ёксюз, анадан ёксюз – эки ёксюз.
Аз сёлешген, къайгъысыз турур.
Джылкъыдан – ат чыгъар, тукъумдан – джаш чыгъар.
Олтуруб кёрюнмей эди да, ёрге туруб кёрюне эди.
Джылыгъа джылан илешир.
Хаухну атма, ёнгкючню сатма.
Сёз – кюмюш, джыр – алтын.
Тик ёргени, тик энгишгеси да болады.