- Эли джокъну – кёлю джокъ.
- Аш берме да, къаш бер.
- Окъ къызбайны джокълайды.
- Чёбню кёлтюрсенг, тюбюнден сёз чыгъар.
- Аманнга алтын чыдамаз.
- Нёгерсизни джолу узун.
- Адеб джокъда, намыс джокъ.
- Ачыкъ джюрекге джол – ачыкъ.
- Чакъырылмагъан къонакъ – орунсуз.
- Окъдан джара эртде-кеч болса да бителир, сёз джара, ёмюрге къалыр.
- Джумушакъ сёз къаты таякъны сындырыр.
- Телиге акъыл салгъандан эсе, ёлгеннге джан салырса.
- Ауурну тюбю бла, дженгилни башы бла джюрюген.
- Тилчи бир сагъатха айлыкъ хата этер.
- Тёрени джагъы джокъ.
- Къалгъан ишге къар джауар.
- Сагъышы джокъ – джукъучу, акъылы джокъ – къаугъачы.
- Къонагъы джокъну – шоху джокъ.
- Адамны сыфатына къарама, сёзюне къара.
- Ач отунчуну ачыуу – бурнунда.
- Тюзлюк тас болмайды.
- Джарлы тюеге минсе да, ит къабар.
- Ашха уста, юйюнде болсун
- Джарлыны эшигин махтагъан джабар.
- Окъугъан – асыу, окъумагъан – джарсыу.
- Тау башында, тау болмаз, джангыз терек, бау болмаз.
- Билмезни кёзю кёрмез, этмезни къулагъы эшитмез.
- Дуния малгъа сатылма, кесингден телиге къатылма.
- Сёлеш деб шай берген, тохта деб, сом берген.
- Къыйынлы джети элни къайгъысын этер.
- Къолунгдан къуймакъ ашатсанг да, атаны борчундан къутулмазса.
- Ёлмесенг да, къарт дамы болмазса?
- Сабийни джумушха джибер да, ызындан бар.
- Оюмсуз атлагъан, аджалсыз ёлюр.
- Ач къарным, тынч къулагъым.
- Намысы болмагъанны, сыйы болмаз.
- Босагъа таш юйге кирмей эди, тыбыр таш эшикге чыкъмай эди.
- Ётюрюк хапар аякъ тюбю бла джюрюйдю.
- Насыб бютеу халкъны юлюшюдю.
- Чыкълы кюнде чыкъмагъан, чыкъса къуру кирмеген.
- Ат басханны джер билед.
- Билмегенинги, билгеннге сор.
- Эри аманны, къатыны – аман.
- Аманны къуугъан, аманлыкъ табар.
- Накъырда – кертини келечиси.
- Ётюрюкню къуйругъу – бир тутум.
- Орну джокъну – сыйы джокъ.
- Ашарыкъда сайлагъаннга – чий гырджын.
- Сютден ауузу кюйген, суугъа юфгюре эди.
- «Ёгюз, джаргъа джууукъ барма, меннге джюк боллукъса», - дегенди эшек.
Урал, Болгария, Катар, Кавказ, Иран
03.10.2012