Эльбрусоид :: Эльбрусоид :: Урал, Болгария, Катар, Кавказ, Иран

Суу кетер, таш къалыр.
Къарнынг къанлынга кийирир.
Джогъун бар этген, барын бал этген.
Тойгъан джерден туугъан джер игиди.
Арбаз къынгырды да, ийнек сауалмайма.
Биреуге кёлтюрген таягъынг, кесинги башынга урур.
Джыланны къуйругъундан басарынг келсе, аны башы болгъанын унутма.
Сакъламагъан затынга джолукъсанг, не бек къууанаса, не бек ачыйса.
Арпа, будай – ащды, алтын, кюмюш а – ташды.
Таякъ этден ётер, тил сюекден ётер.
Соргъан айыб тюлдю, билмеген айыбды.
Ишге юренсин къоллары, халкъ бла болсун джоллары.
Кечеси – аяз, кюню – къыш, джарлы къаргъагъа бир аш тюш!
Ашхы болсанг, атынг чыгъар, аман болсанг, джанынг чыгъар.
Эм ашхы къайын ана мамукъ бла башынгы тешер.
Ёзденликни кёбю ётюрюк.
Айырылмаз джууугъунга, унутмаз сёзню айтма.
Бозаны арты дауур болур.
Ашха уста, юйюнде болсун
Ат басханны джер билед.
Кёпюр салгъан кеси ётер, уру къазгъан кеси кетер.
Бетинги сатма, малынгы сат.
Ойнаб айтсанг да, эслеб айт.
Тёрде – темир таякълы, къаяда – чыпчыкъ аякълы.
Билим – акъылны чырагъы.
Тенгинг джокъ эсе – изле, бар эсе – сакъла!
Эшекни не къадар тюйсенг да, ат болмаз.
Джиби бир къат джетмей эди да, эки къат тарта эди.
Таугъа чыгъаллыкъ эсенг, тюзде къалма.
Билеги кючлю, бирни джыгъар, билими кючлю, мингни джыгъар.
Мен да «сен», дейме, сен да «кесим», дейсе.
Ишленмеклик адамлыкъды.
Акъыллы – эл иеси, тели – эл баласы.
Аман адамны тепсинге олтуртсанг, къызынгы тилер.
Кюл тюбюндеги от кёрюнмейди.
Ариу сёзде ауруу джокъ.
Акъыллы эркиши атын махтар, акъылсыз эркиши къатынын махтар.
Игиге айтсанг – билир, аманнга айтсанг – кюлюр.
Аш хазыр болса, иш харам болур.
Кюн – узун, ёмюр – къысха.
Ёлмесенг да, къарт дамы болмазса?
Джылар джаш, атасыны сакъалы бла ойнар.
Душманны тышы – акъ, ичи – къара.
Билим ат болуб да чабар, къуш болуб да учар.
Адам къыйынлыгъын кёлтюрюр, зауукълугъун кёлтюрмез.
Хазыр ашха – терен къашыкъ.
Байма, деб да, къууанма, джарлыма, деб да, джылама.
Босагъа таш юйге кирмей эди, тыбыр таш эшикге чыкъмай эди.
Кёзден кетген, кёлден да кетеди.
Джахил болса анасы, не билликди баласы?