- Ашда – бёрю, ишде – ёлю.
- Кёзню ачылгъаны – иги, ауузну джабылгъаны – иги.
- Телиге от эт десенг, юйюнге от салыр.
- Джолда аягъынга сакъ бол, ушакъда тилинге сакъ бол.
- Ана кёлю – балада, бала кёлю – талада.
- Ариу – кёзге, акъыл – джюрекге.
- Къызны минг тилер, бир алыр.
- Тура эдим джата, къайдан чыкъды хата?
- Ашхы адам – халкъ байлыгъы, ашхы джер – джашау байлыгъы.
- Ариу сёз – джаннга азыкъ, аман сёз – башха къазыкъ.
- Биреуге кёлтюрген таягъынг, кесинги башынга урур.
- Хата – гитчеден.
- Ауузу бла къуш тута айланады.
- Алтыда кюлмеген, алтмышда кюлмез.
- Башынга джетмегенни сорма.
- Эки ойлашыб, бир сёлешген.
- Дууулдаса – бал чибин, къонса – къара чибин.
- Сагъышы джокъ – джукъучу, акъылы джокъ – къаугъачы.
- Джылыгъа джылан илешир.
- Къартны сыйын кёрмеген, къартлыгъында сыйлы болмаз.
- Тилчи бир сагъатха айлыкъ хата этер.
- Аллахдан тилесенг, кёб тиле.
- Къазанчы аман болса, къазаны къайнамаз.
- Къонакъ кёб келюучю юйню, къазаны отдан тюшмез.
- Джарашыу сюйген – джалынчакъ.
- Акъыллы – эл иеси, тели – эл баласы.
- Эртде тургъан джылкъычыны эркек аты тай табар.
- Ат да турмайды бир териде.
- Эки къатын алгъанны къулагъы тынгнгаймаз.
- Ханы къызы буюгъа-буюгъа киштик болду.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къонакъ аз олтурур, кёб сынар.
- Тай асырагъан, атха минер.
- Джаш болсун, къыз болсун, акъылы, саны тюз болсун.
- Тилде сюек болмаса да, сюек сындырыр.
- Сютню башын джалагъан къутулур, тюбюн ичген тутулур.
- Аджашханны ызындагъы кёреди, джангылгъанны джанындагъы биледи.
- Ёпкелегенни ашы татлы болады.
- Махтаннган къыз, тойда джукълар.
- Къулакъдан эсе, кёзге ышан.
- Гугурук къычырмаса да, тангны атары къалмаз.
- Ачлыкъда тары гырджын халыуадан татлы.
- Билимсиз иш бармаз.
- Игиге айтсанг – билир, аманнга айтсанг – кюлюр.
- Аман къатын алгъан, арыр, иги къатын алгъан джарыр.
- Иги болса, тамадама – махтау, аман болса, меннге – айыб.
- Бир онгсуз адам адет чыгъарды, деб эштирик тюлсе.
- Аманнга алтын чыдамаз.
- Телиге акъыл салгъандан эсе, ёлгеннге джан салырса.
- Берекет берсин деген джерде, берекет болур.
Урал, Болгария, Катар, Кавказ, Иран
03.10.2012