- Джахил болса анасы, не билликди баласы?
- Айныгъанлы алты кюн, тогъайгъанлы тогъуз кюн.
- Кёзню ачылгъаны – иги, ауузну джабылгъаны – иги.
- Босагъа таш юйге кирмей эди, тыбыр таш эшикге чыкъмай эди.
- Айранын берсенг, челегин да къызгъанма.
- Хаухну атма, ёнгкючню сатма.
- Джарлыны тону джаз битер.
- Тынгылагъан тынгы бузар.
- Адам боллукъ, атламындан белгили болур.
- Тойгъан джерден туугъан джер игиди.
- Тойгъа алгъа да барма, тойда артха да къалма.
- Бюгюн дуния кибик, тамбла ахыратды.
- Эрине къаргъыш этген къатын, эрнин къабар.
- Тас болгъан бычакъны сабы – алтын.
- Ата джурт – алтын бешик.
- Джумушакъ сёз къаты таякъны сындырыр.
- Джаш болсун, къыз болсун, акъылы, саны тюз болсун.
- Тилчиден кери бол.
- Акъылсызны джууукъгъа алма, акъыллыны кенгнге салма.
- Ариу джол аджал келтирмез.
- Ишни ахырын ойламай, аллын башлама.
- Аманнга да, игиге да оноусуз къатышма.
- Бети бедерден, намыс сакълама.
- Окъугъанны бети джарыкъ.
- Эшекге миннген – биринчи айыб, андан джыгъылгъан – экинчи айыб.
- Сибиртки да сыйлы болду, кюрек да кюнлю болду.
- Тай асырагъан, атха минер.
- Къонакъ болсанг, ийнакъ бол.
- Зарда марда джокъ.
- Ёгюзню мюйюзлери ауурлукъ этмейдиле.
- Бир абыннган – минг сюрюнюр.
- Сёз садакъдан кючлюдю.
- Джан саулукъ бермей, сан саулукъ бермезсе.
- Байма, деб да, къууанма, джарлыма, деб да, джылама.
- Чыбыкълыкъда бюгюлмеген, къазыкълыкъда бюгюлмей эди.
- Джюрекден джюрекге джол барды.
- Джарлы эскисин джамаса, къууаныр.
- Билмезни кёзю кёрмез, этмезни къулагъы эшитмез.
- Аш хазыр болса, иш харам болур.
- Эте билген, этген этеди, эте билмеген, юретген этеди!
- Эски джаугъа ышанма.
- Телини эшигин, махтау джабар.
- Ашхы атаны – джашы ашхы, ашхы ананы – къызы ашхы.
- Башсыз урчукъ тюзюне айланмаз.
- Ачылгъан эт джабылыр, кёрген кёз унутмаз.
- Къумурсхала джыйылсала, пилни да джыгъадыла.
- Башы джабылгъан челекге, кир тюшмез.
- Ана кёлю – балада, бала кёлю – талада.
- Акъыллы башны – тили къысха.
- Атлыны кёрсе, джаяуну буту талыр.
Урал, Болгария, Катар, Кавказ, Иран
03.10.2012