Эльбрусоид :: Эльбрусоид :: Урал, Болгария, Катар, Кавказ, Иран

Махтаннган къыз, тойда джукълар.
Джаз бир кюнню джатсанг, къыш талай кюнню абынырса.
Тили узунну, намысы – къысха.
Татлы сёз – балдан татлы.
Кёлсюзден сёзсюз тууар.
Оюмсуз атлагъан, аджалсыз ёлюр.
Билмейме деген – бир сёз
Бичгенде ашыкъма, тикгенде ашыкъ.
Байлыкъдан саулукъ ашхыды.
Адеби болмагъан къыз – тузсуз хант.
Айранын берсенг, челегин да къызгъанма.
Тешик этген тынчды, аны джамагъан къыйынды.
Ач къалгъандан, кеч къалгъан къолай.
Тойгъан джерге джети къайт.
Джарлы тюеге минсе да, ит къабар.
Кесинг сынамагъан затны, адамгъа буюрма.
Мухар, кеси тойса да, кёзю тоймаз.
Къолунгдан къуймакъ ашатсанг да, атаны борчундан къутулмазса.
Ана къойну – балагъа джандет.
Къозулугъунда тоймагъан, къойлугъунда тоймаз.
Миллетни бойну – базыкъ, аны бла кюрешген – джазыкъ.
Хар зат кесини орнуна иги.
Джырына кёре эжиую.
Керилген да, ургъан кибикди.
Ашда – бёрю, ишде – ёлю.
Чомартны къолун джокълукъ байлар.
Атлыны ашхысы, ат тизгининден билинир
Джумушакъ сёз къаты таякъны сындырыр.
Ариу сёзде ауруу джокъ.
Атынг аманнга чыкъгъандан эсе, джанынг тамагъынгдан чыкъсын.
Къатын къылыкъсыз, эр тынчлыкъсыз.
Акъыл сабырлыкъ берир.
Ашда уялгъан – мухар, ишде уялгъан – хомух.
Ётюрюкню къуйругъу – бир тутум.
Джаралыны джастыгъында сау ёлюр.
Аллахха ийнаннган кишини, Аллах онгдурур ишин.
Ачлыкъ отха секиртир.
Окъугъанны бети джарыкъ.
Ёлюр джаннга, ёкюл джокъ.
Къонакъ хазыр болгъанлыкъгъа, къонакъбай хазыр тюлдю.
Айтхан – тынч, этген – къыйын.
Къошда джокъгъа – юлюш джокъ.
Ёлюк кебинсиз къалмаз.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Таула не мийик болсала да, аууш табылыр.
Накъырда – кертини келечиси.
Джигер – джаннга къыйынлыкъ.
Гугурук къычырмаса да, тангны атары къалмаз.
Кийим тукъум сордурур.
Бети бедерден, намыс сакълама.