Эльбрусоид :: Эльбрусоид :: Урал, Болгария, Катар, Кавказ, Иран

Билмезни кёзю кёрмез, этмезни къулагъы эшитмез.
Эркиши – от, тиширыу – суу.
Джарлыны тону джаз битер.
Суу кетер, таш къалыр.
Хансыз джомакъ болмаз.
Айран ичген – къутулду, джугъусун джалагъан – тутулду.
Ашхы – джыяр, аман – джояр.
Ашда – бёрю, ишде – ёлю.
Тамчы таш тешер.
Тамырсыз терекге таянма – джыгъылырса.
Эл ауузу – элек, анга ийнаннган – халек.
Ашыкъгъанны этеги бутуна чырмалыр.
Тили узунну, намысы – къысха.
Ишин билген, аны сыйын чыгъарады.
Къатыны харакетли болса, эри къымсыз болур.
Тиширыусуз юй – отсуз от джагъа.
Арбаз сайлама да, хоншу сайла.
Ишлегенден, къарагъан уста.
Ана – юйню кюн джарыгъы.
Ёгюзню мюйюзюнден тутадыла, адамны сёзюнден тутадыла.
От этилмеген джерден тютюн чыкъмайды.
Байлыкъ тауусулур, билим тауусулмаз.
Къошда джокъгъа – юлюш джокъ.
Иги адамны бир сёзю эки болмаз.
Къызны минг тилер, бир алыр.
Тойгъанлыкъ къойгъа джарашады.
Ашаса, ашамаса да, бёрюню ауузу – къан.
Танг атмайма десе да, кюн къоярыкъ тюйюлдю.
Ёлюк кебинсиз къалмаз.
Джылар джаш, атасыны сакъалы бла ойнар.
Ёлген ийнек сютлю болур.
Тёгюлген тюгел джыйылмайды.
Хата – гитчеден.
Джарашыу сюйген – джалынчакъ.
Джюрекге ариу – кёзге да ариу.
Мени джылытмагъан кюн, меннге тиймесин!
Рысхы – сют юсюнде кёмюк кибикди.
Кийимни бичсенг, кенг бич, тар этген къыйын тюлдю.
Юй ишлеген балта эшикде къалыр.
Этни бети бла шорпасы.
Берекет берсин деген джерде, берекет болур.
Таш ата билмеген, башына урур.
Элге къуллукъ этмеген, элге ие болмаз.
Эм ашхы къайын ана мамукъ бла башынгы тешер.
Ёпкелегенни ашы татлы болады.
Чомарт къолда мал къалмаз.
Намысы болмагъанны, сыйы болмаз.
Ойнаб айтсанг да, эслеб айт.
Кёпюр салгъан кеси ётер, уру къазгъан кеси кетер.
Билимден уллу байлыкъ джокъду.