Эльбрусоид :: Эльбрусоид :: Урал, Болгария, Катар, Кавказ, Иран

Арбаз къынгырды да, ийнек сауалмайма.
Намыс болмагъан джерде, насыб болмаз.
Джаш болсун, къыз болсун, акъылы, саны тюз болсун.
Сютден ауузу кюйген, суугъа юфгюре эди.
Хата – гитчеден.
Намысы джокъну – дуниясы джокъ.
Таш ата билмеген, башына урур.
Дуния мал дунияда къалады.
Билеги кючлю, бирни джыгъар, билими кючлю, мингни джыгъар.
Ишлегенде эринме, ишде чолакъ кёрюнме.
Кеси юйюмде мен да ханма.
Хантына кёре тузу, юйюне кёре къызы.
Тюзлюк тас болмайды.
Эки къатын алгъанны къулагъы тынгнгаймаз.
Джылар джаш, атасыны сакъалы бла ойнар.
Тешигини къатында, чычхан да батыр болур.
Баланы адам этген анады.
Байдан умут эте, джарлыдан ёгюз багъасы къорады.
Иги болса, тамадама – махтау, аман болса, меннге – айыб.
От этилмеген джерден тютюн чыкъмайды.
Къонакъны къачан кетерин сорма, къачан келлигин сор.
Къызын тута билмеген, тул этер, джашын тута билмеген, къул этер.
Мал тутхан – май джалар.
Билимли ёлмез, билимсиз кёрмез.
Айтылгъан сёз ызына къайтмаз.
Тойгъанлыкъ къойгъа джарашады.
Миллетни бойну – базыкъ, аны бла кюрешген – джазыкъ.
Ёгюзню мюйюзюнден тутадыла, адамны сёзюнден тутадыла.
Джыланны къуйругъундан басарынг келсе, аны башы болгъанын унутма.
Юйюнгден чыкъдынг – кюнюнгден чыкъдынг.
Накъырда – кертини келечиси.
Хар ишни да аллы къыйынды.
Джуртун къоругъан озар.
Ашыкъгъан cуу, тенгизге джетмез.
Суу ичген шауданынга тюкюрме.
Кийимни бичсенг, кенг бич, тар этген къыйын тюлдю.
Атлыны ашхысы, ат тизгининден билинир
Эринчекни эр алмаз, эр алса да, кёл салмаз, кёл салса да, кёб бармаз!
Иги бла джюрюсенг, джетерсе муратынга, аман бла джюрюсенг, къалырса уятха.
Эрни эр этерик да, къара джер этерик да, тиширыуду.
Алгъанда – джууукъ, бергенде – джау.
Аман адам этегингден тутса, кес да къач.
Джюрек кёзден алгъа кёрюр.
Кёлсюзден сёзсюз тууар.
Тёрдеги кюлсе, эшикдеги ышарыр.
Окъдан джара эртде-кеч болса да бителир, сёз джара, ёмюрге къалыр.
Ёксюзню къалачы уллу кёрюнюр.
Ёксюзню тилеги къабыл болур.
Тау башында, тау болмаз, джангыз терек, бау болмаз.
Ашаса, ашамаса да, бёрюню ауузу – къан.