- Танг атмайма десе да, кюн къоярыкъ тюйюлдю.
- Онгсузну – джакъла, тенгликни – сакъла.
- Махтаннган къыз, тойда джукълар.
- Къатын къылыкъсыз, эр тынчлыкъсыз.
- Хата – гитчеден.
- Тамчы таш тешер.
- Къозулугъунда тоймагъан, къойлугъунда тоймаз.
- Къонакъ кёб келюучю юйню, къазаны отдан тюшмез.
- Элге къуллукъ этмеген, элге ие болмаз.
- Бети къызарыучу адамны, джюреги харам болмаз.
- Тил – миллетни джаны.
- Ач – эснер, ат – кишнер.
- Сабийликде юретмесенг, уллу болса – тюзелмез.
- Тойгъан джерден туугъан джер игиди.
- Ариуну – ауруу кёб.
- Адам сёзюнден белгили.
- Аджашханны ызындагъы кёреди, джангылгъанны джанындагъы биледи.
- Хар адамгъа кеси миннген тау кибик.
- Аманны къуугъан, аманлыкъ табар.
- Аман къатын алгъан, арыр, иги къатын алгъан джарыр.
- Ишленмеклик адамлыкъды.
- Ёгюзню мюйюзюнден тутадыла, адамны сёзюнден тутадыла.
- Сагъыш – къартлыкъгъа сюйюмчю.
- Билимли ёлмез, билимсиз кёрмез.
- Нёгерсизни джолу узун.
- Таукел адам тау тешер.
- Халкъгъа джарагъан, джарлы къалмаз.
- Ачылгъан эт джабылыр, кёрген кёз унутмаз.
- Уясында не кёрсе, учханында аны этер.
- Эр сокъур болсун, къатын тилсиз болсун.
- Тюзлюк тас болмайды.
- Джюрекге ариу – кёзге да ариу.
- Бозаны арты дауур болур.
- Чарсда алчыны эл кёреди.
- Адеб этмеген, адеб кёрмез.
- Къызбайны юйюне дери сюрсенг, батыр болур.
- Ханы къызы буюгъа-буюгъа киштик болду.
- Адамны артындан къара сабан сюрме.
- Иги джашны ышаны – аз сёлешиб, кёб тынгылар.
- Ариу сёз – къылычдан джити.
- Ким бла джюрюсенг, аны кёзю бла кёрюнюрсе.
- Аман хансны – урлугъу кёб.
- Билгенни къолу къарны джандырыр.
- Байлыкъ тауусулур, билим тауусулмаз.
- Къазанда болса, чолпугъа чыгъар.
- Урунуу – насыбны анасы.
- Хантына кёре тузу, юйюне кёре къызы.
- Босагъагъа джууукъ орун болса, ашыгъыб тёрге озма.
- Джылыгъа джылан илешир.
- Билим – акъылны чырагъы.
Урал, Болгария, Катар, Кавказ, Иран
03.10.2012