Эльбрусоид :: Эльбрусоид :: Урал, Болгария, Катар, Кавказ, Иран

Дууулдаса – бал чибин, къонса – къара чибин.
Тюзню ётмеги тюзде къалса да, тас болмаз.
Туз, гырджын аша, тюзлюк бла джаша.
Джаным-тиним – окъуу, билим.
Борчунг бар эсе, хурджунунга ойлаб узал.
Кечеси – аяз, кюню – къыш, джарлы къаргъагъа бир аш тюш!
Акъыл бла адеб эгизледиле.
Гугук кесини атын айтыб къычыргъанча, мен, мен деб нек тураса?
Юреннген ауруу къалмаз.
Тынгылагъан тынгы бузар.
Чакъырылмай келген къонакъ сыйланмай кетер.
Агъач халкъгъа алтынды, иссиликге салкъынды.
Суу ичген шауданынга тюкюрме.
Хар сёзню орну барды.
Тели турса – той бузар.
Башы джабылгъан челекге, кир тюшмез.
Адамны сыфатына къарама, сёзюне къара.
Бир абыннган – минг сюрюнюр.
Телиге от эт десенг, юйюнге от салыр.
Джауумдан сора, кюн кюйдюрюр, ётюрюкден сора, айыб кюйдюрюр.
Къазанны башы ачыкъ болса, итге уят керекди.
Эр абынмай, эл танымаз.
Билмегенинги, билгеннге сор.
Таукелге нюр джауар.
Къазанда болса, чолпугъа чыгъар.
Джети тилни билген джети кишиди.
Ышармагъан – кюлмез, кюлмеген – къууанчны билмез.
Ушамагъан – джукъмаз.
Сабий болмагъан джерде, мёлек болмаз.
Къоркъакъны кёзю экили кёрюр.
Тенгинг джокъ эсе – изле, бар эсе – сакъла!
Биреуню къыйынлыгъы бла кесинге джол ишлеме.
Тулпарлыкъ, билекден тюл – джюрекден.
Ариу сёз – джаннга азыкъ, аман сёз – башха къазыкъ.
Къолу уллу – асыу, аягъы уллу – джарсыу.
Акъыл неден да кючлюдю.
Эллинг бла джау болсанг да, юйюнг бла джау болма.
Кёзню ачылгъаны – иги, ауузну джабылгъаны – иги.
Ариуну – ауруу кёб.
Ана къолу ачытмаз.
Ач да бол, токъ да бол – намысынга бек бол.
Билеги кючлю, бирни джыгъар, билими кючлю, мингни джыгъар.
Айранны сюйген, ийнек тутар.
Таякъ этден ётер, тил сюекден ётер.
Ойнаб айтсанг да, эслеб айт.
Тил – миллетни джаны.
Тенгни тенглиги джашай барсанг билинир.
Къазанчы аман болса, къазаны къайнамаз.
Акъыллы башны – тили къысха.
Сибиртки да сыйлы болду, кюрек да кюнлю болду.