Эльбрусоид :: Эльбрусоид :: Урал, Болгария, Катар, Кавказ, Иран

Башы ишлегенни, ауузу да ишлер.
Тили узунну, намысы – къысха.
Айтылгъан сёз ызына къайтмаз.
Сёз – кюмюш, джыр – алтын.
Урунуу – насыбны анасы.
Кюн – узун, ёмюр – къысха.
Хар сёзню орну барды.
Ётген ёмюр – акъгъан суу.
Иги сеники эсе да, сюйген кесимикин этеме.
Хантына кёре тузу, юйюне кёре къызы.
Эр сокъур болсун, къатын тилсиз болсун.
Ойнай-ойнай кёз чыгъар.
Нарт сёз – тилни бети.
Болджал ишни бёрю ашар.
Къанны къан бла джуума, аманны аман бла къуума.
Кёзню ачылгъаны – иги, ауузну джабылгъаны – иги.
Джырына кёре эжиую.
Ойнай билмеген, уруб къачар.
Джаш болсун, къыз болсун, акъылы, саны тюз болсун.
Сютден ауузу кюйген, суугъа юфгюре эди.
Тик ёргени, тик энгишгеси да болады.
Кечеси – аяз, кюню – къыш, джарлы къаргъагъа бир аш тюш!
Биреу ашаб къутулур, биреу джалаб тутулур.
Хазыр ашха – терен къашыкъ.
Айныгъанлы алты кюн, тогъайгъанлы тогъуз кюн.
Келинни – келгинчи, бёркню кийгинчи кёр.
Иги адам абынса да, джангылмаз.
Тилчи тилден къаныкъмаз.
Кёрмегеннге кебек – танг, битмегеннге сакъал – танг.
Арпа, будай – ащды, алтын, кюмюш а – ташды.
Ауругъаннга – кийик саулукъ, джетген къызгъа – чилле джаулукъ.
Тил джюрекге джол ишлейди.
Джангызны оту джарыкъ джанмаз!
Билгенни къолу къарны джандырыр.
Ана – юйню кюн джарыгъы.
Ашда – бёрю, ишде – ёлю.
Биреуге аманлыкъ этиб, кесинге игилик табмазса.
Ачыкъ джюрекге джол – ачыкъ.
Къулакъдан эсе, кёзге ышан.
Ач къалгъандан, кеч къалгъан къолай.
Зарда марда джокъ.
Чарсда алчыны эл кёреди.
Таула не мийик болсала да, аууш табылыр.
Аллахдан тилесенг, кёб тиле.
Аман адам этегингден тутса, кес да къач.
Айырылмаз джууугъунга, унутмаз сёзню айтма.
Ариу сёз – къылычдан джити.
Адамгъа аман кюн соруб келмейди.
Элге къуллукъ этмеген, элге ие болмаз.
Эл тойса, тоймагъан, эл къойса, къоймагъан.