- Ушамагъан – джукъмаз.
- Итли къонакъ джарашмаз.
- Бал – татлы, балдан да бала – татлы.
- Ата Джуртун танымагъан, атасын да танымаз.
- Иги болса, тамадама – махтау, аман болса, меннге – айыб.
- Айтхан – тынч, этген – къыйын.
- Зар адамны насыбы болмаз.
- Ёксюзню къалачы уллу кёрюнюр.
- Джаханимни кёрмей, джандетге кёл салмазса.
- Къоркъакъны кёзю экили кёрюр.
- Билгенни къолу къарны джандырыр.
- Эртде тургъан джылкъычыны эркек аты тай табар.
- Асхат ашлыкъ сата, юйдегиси ачдан къата.
- Эм уллу байлыкъ – джан саулукъ.
- Чакъырылмагъан къонакъ тёрге атламаз.
- Акъыллы башны – тили къысха.
- Тойчу джашха къарама, къойчу джашха къара.
- Къарны аманнга къазан такъдырма, къолу аманнга от джакъдырма.
- Ётген ёмюр – акъгъан суу.
- Ач отунчуну ачыуу – бурнунда.
- Аякъларынгы джууургъанынга кёре узат.
- Джарлыны эшигин махтагъан джабар.
- Джашны джигитлиги сорулур, къызны джигерлиги сорулур.
- Уллу суу бла уллу ауруудан башынгы сакъла.
- Накъырданы арты керти болур.
- Къонакъ аз олтурур, кёб сынар.
- Суугъа – таянма, джаугъа – ийнанма.
- Кирсизни – саны таза, халалны – къаны таза.
- Къуру гыбыт бек дыгъырдар.
- Адеб этмеген, адеб кёрмез.
- Телиге от эт десенг, юйюнге от салыр.
- Тура эдим джата, къайдан чыкъды хата?
- Ашаса, ашамаса да, бёрюню ауузу – къан.
- Ач къарынны, токъ билмез
- Мен да «сен», дейме, сен да «кесим», дейсе.
- Мухар, кеси тойса да, кёзю тоймаз.
- Кёлю джокъну – джолу джокъ.
- Къызгъанчдан ычхыныр, мухардан ычхынмаз.
- Хар сёзню орну барды.
- Кюлме джашха – келир башха.
- Шекер бла туз – бир болмаз, ушамагъан – юй болмаз.
- Аш кетер да бет къалыр.
- Ёлюк кебинсиз къалмаз.
- Къарнынг ауруса, ауузунгу тый
- Этни да ашады, бетни да ашады.
- Агъач – джерни чырайы, кийим – эрни чырайы.
- Ач бёрюге мекям джокъ.
- Ётюрюкден тюбю джокъ, кёлтюрюрге джиби джокъ.
- Кёбден умут этиб, аздан къуру къалма.
- Кесине гебен этелмеген, биреуге черен эте эди.
Урал, Болгария, Катар, Кавказ, Иран
03.10.2012