Эльбрусоид :: Эльбрусоид :: Урал, Болгария, Катар, Кавказ, Иран

Тамбла алтындан бюгюн багъыр ашхы.
Уруну арты – къуру.
Кёрмегеннге кебек – танг, битмегеннге сакъал – танг.
Алтыннга тот къонмаз.
Нёгер болсанг, тенг бол, тенг болмасанг, кенг бол.
Акъыл къартда, джашда тюйюлдю – башдады.
Иесиз малны бёрю ашар.
Хар ишни да аллы къыйынды.
Миллетни бойну – базыкъ, аны бла кюрешген – джазыкъ.
Джырчы ёлсе, джыры къалыр.
Джангыз терек къынгыр ёсер.
Ач отунчуну ачыуу – бурнунда.
Терслик кетер, тюзлюк джетер.
Ариу сёзде ауруу джокъ.
Гыдай эчки суугъа къараб, мюйюзле кёрмесе, джашма алкъын, дегенди.
Ишленмеген джаш – джюгенсиз ат, ишленмеген къыз – тузсуз хант.
Аллахха ийнаннган кишини, Аллах онгдурур ишин.
Кесинг сынамагъан затны, адамгъа буюрма.
Биреуню эскиси биреуге джангы болмайды.
Сютден ауузу кюйген, суугъа юфгюре эди.
Аш иеси бла татлыды.
Хаухну атма, ёнгкючню сатма.
Ишни аллы бла къууанма да, арты бла къууан.
Тамчы таш тешер.
Чабакъсыз кёлге къармакъ салгъанлыкъгъа, чабакъ тутмазса.
Джаханимни кёрмей, джандетге кёл салмазса.
Тик ёргени, тик энгишгеси да болады.
Зар адам ашынгы ашар, кесинги сатар.
Къарын къуру болса, джюрек уру болур.
Ёгюзню мюйюзлери ауурлукъ этмейдиле.
Къартны сыйын кёрмеген, къартлыгъында сыйлы болмаз.
Ашына кёре табагъы, балына кёре къалагъы.
Ётюрюкден тюбю джокъ, кёлтюрюрге джиби джокъ.
Ашхы – джыяр, аман – джояр.
Ашхы сёз таш тешер.
Чабар ат – джетген къыз.
Тилчи бир сагъатха айлыкъ хата этер.
Адам бла мюлк юлешмеген эсенг, ол адамны билиб бошагъанма, деб кесинги алдама.
Джюрекге ариу – кёзге да ариу.
Келлик заман – къартлыкъ келтирир, кетген заман – джашлыкъ ёлтюрюр.
Аманнга да, игиге да оноусуз къатышма.
Адам къыйынлыгъын кёлтюрюр, зауукълугъун кёлтюрмез.
Ачны эсинде – аш.
Къуру гыбыт бек дыгъырдар.
Къарны аманнга къазан такъдырма, къолу аманнга от джакъдырма.
Айтхан – тынч, этген – къыйын.
Иги сёз – джаннга азыкъ, аман сёз башха – къазыкъ.
Ёнгкюч къууана барыр, джылай келир.
Джарлы эскисин джамаса, къууаныр.
Чомарт бергенин айтмаз.