- Мухарны эси – ашарыкъда.
- Иги сёз – джаннга азыкъ, аман сёз башха – къазыкъ.
- Мал кёб болса, джууукъ кёб болур.
- Къарнынг бла ёч алма.
- Аджалсыз ёлюм болмаз.
- Кёбге таш атма.
- Тёгюлген тюгел джыйылмайды.
- Этни бети бла шорпасы.
- Ёлген ийнек сютлю болур.
- Огъурлуну сёзю – суу, огъурсузну сёзю – уу.
- Сибиртки да сыйлы болду, кюрек да кюнлю болду.
- Ариу – кёзге, акъыл – джюрекге.
- Суу кетер, таш къалыр.
- Алим болгъандан эсе, адам болгъан къыйынды.
- Акъыллы башны – тили къысха.
- Къыйынлы джети элге оноу этер.
- Сыфатында болмагъаны, суратында болмаз.
- Тил – миллетни джаны.
- Бек ашыкъгъан меннге джетсин, дегенди аракъы.
- Экеулен сёлеше тура эселе, орталарына барыб кирме.
- Окъ къызбайны джокълайды.
- Билимли ёлмез, билимсиз кёрмез.
- Тенгинг джокъ эсе – изле, бар эсе – сакъла!
- Ашын ашагъанынгы, башын да сыйла.
- Уруну арты – къуру.
- Кюн кёрмеген, кюн кёрсе, кюндюз чыракъ джандырыр.
- Ёзденликни кёбю ётюрюк.
- Бет бетге къараса, бет да джерге къарар.
- Ауузу бла къуш тута айланады.
- Аманнга алтын чыдамаз.
- Ариу сёз аурууунгу алыр.
- Насыб бютеу халкъны юлюшюдю.
- Хазыр ашха – терен къашыкъ.
- Телиге акъыл салгъандан эсе, ёлгеннге джан салырса.
- Къобан да къуру да къобханлай турмайды, адам да къуру да патчахлай турмайды.
- Ашатыргъа иш – ашхы, ишлетирге аш – ашхы.
- Таш ата билмеген, башына урур.
- Иги адамны бир сёзю эки болмаз.
- Джыланны къуйругъундан басарынг келсе, аны башы болгъанын унутма.
- Эл ауузу – элек, анга ийнаннган – халек.
- Бал ашаргъа сюе эсенг, чибин ургъаннга тёз.
- Ашхы тенг джолгъа салыр, аман тенг джолдан тайдырыр.
- Къонагъынгы артмагъын алма да, алгъышын ал.
- Къатыны харакетли болса, эри къымсыз болур.
- Кесинг сынамагъан затны, адамгъа буюрма.
- Атадан ёксюз – бир ёксюз, анадан ёксюз – эки ёксюз.
- Кёзю сокъурдан – къоркъма, кёлю сокъурдан – къоркъ.
- Ёмюрлюк шохлукъну джел элтмез.
- Азыгъы аз, алгъа къабар, аты аман, алгъа чабар.
- Билими азны – ауузунда кирит.
Урал, Болгария, Катар, Кавказ, Иран
03.10.2012