- Гырджын – тепсини тамадасы.
- Оюмсуз атлагъан, аджалсыз ёлюр.
- Тюзню ётмеги тюзде къалса да, тас болмаз.
- Уллу сёлешме да, уллу къаб.
- Дуния аламаты сен эсенг да, игиме деб айтма.
- Бети – къучакълар, джюреги – бычакълар.
- Таукел къуру къалмаз.
- Атадан ёксюз – бир ёксюз, анадан ёксюз – эки ёксюз.
- Ашхы тенг джолгъа салыр, аман тенг джолдан тайдырыр.
- Къулакъдан эсе, кёзге ышан.
- Бетинги сатма, малынгы сат.
- Къыйынлы джети элге оноу этер.
- Ишин билген, аны сыйын чыгъарады.
- Къызбайны юйюне дери сюрсенг, батыр болур.
- Айтылгъан буйрукъ, сёгюлмез
- Асхат ашлыкъ сата, юйдегиси ачдан къата.
- Биреуню къыйынлыгъы бла кесинге джол ишлеме.
- Бермеген къол, алмайды.
- Джумушакъ сёз къаты таякъны сындырыр.
- Джангыз терек къынгыр ёсер.
- Мал тутхан – май джалар.
- Ауругъаннга – кийик саулукъ, джетген къызгъа – чилле джаулукъ.
- Тёзген – тёш ашар!
- Джюз элде джюз ёгюзюм болгъандан эсе, джюз джууугъум болсун.
- Юйюнг бла джау болгъандан эсе, элинг бла джау бол.
- Чакъырылмагъан къонакъ – орунсуз.
- Ата – баланы уясы.
- Тил – кесген бычакъ, сёз – атылгъан окъ.
- Татлы тилде – сёз ариу, чемер къолда – иш ариу.
- Ата – билек, ана – джюрек!
- Джахил болса анасы, не билликди баласы?
- Рысхы – сют юсюнде кёмюк кибикди.
- Эте билген, этген этеди, эте билмеген, юретген этеди!
- Билмегенинги, билгеннге сор.
- Ёлмесенг да, къарт дамы болмазса?
- Дуния мал дунияда къалады.
- Адеб джокъда, намыс джокъ.
- Ашына кёре табагъы, балына кёре къалагъы.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Аш берме да, къаш бер.
- Тамчы таш тешер.
- Тилсиз миллет джокъ болур.
- Къарнынг бла ёч алма.
- Адамны адамлыгъы къыйынлыкъда айгъакъланады.
- Сабыр джетер муратха, сабырсыз къалыр уятха.
- Харам къарнашдан, халал тенг ашхы.
- Танг атмайма десе да, кюн къоярыкъ тюйюлдю.
- Ана къойну – балагъа джандет.
- Керти сёзге тёре джокъ.
- Ёгюзню мюйюзюнден тутадыла, адамны сёзюнден тутадыла.
Урал, Болгария, Катар, Кавказ, Иран
03.10.2012