- Кёбню кёрген – кёб билир.
- Къазанны башы ачыкъ болса, итге уят керекди.
- Эшекни не къадар тюйсенг да, ат болмаз.
- Уллу айтханны этмеген – уллаймаз.
- Къартны сыйын кёрмеген, къартлыгъында сыйлы болмаз.
- Ётюрюкню къуйругъу – бир тутум.
- Ата джурт – алтын бешик.
- Къартха ушагъан джаш – акъыллы, джашха ушагъан къарт – тели.
- Ашлыкъны арба юйге келтирир, чана базаргъа элтир.
- Джаш болсун, къыз болсун, акъылы, саны тюз болсун.
- Джашда акъыл джокъ, къартда къарыу джокъ.
- Тойгъан антын унутур.
- Аджашханны ызындагъы кёреди, джангылгъанны джанындагъы биледи.
- Акъыллы айтыр эди, акъылсыз къоймайды.
- Арбаз къынгырды да, ийнек сауалмайма.
- Хунаны тюбюн къазсанг, юсюнге ауар.
- Джол бла сёзню къыйыры джокъ.
- Джаханимни кёрмей, джандетге кёл салмазса.
- Биреуге аманлыкъны тилеме да, кесинге ашхылыкъны тиле.
- Адебни адебсизден юрен.
- Адамны адамлыгъы къыйынлыкъда айгъакъланады.
- Къолунгдан къуймакъ ашатсанг да, атаны борчундан къутулмазса.
- Адам боллукъ, атламындан белгили болур.
- Къалгъан ишге къар джауар.
- Ата – билек, ана – джюрек!
- Итли къонакъ джарашмаз.
- Айраннга суу къош, телиге джол бош.
- Джангыз терек къынгыр ёсер.
- Къарын къуру болса, джюрек уру болур.
- Тамырсыз терекге таянма – джыгъылырса.
- Этни да ашады, бетни да ашады.
- Атлыны ашхысы, ат тизгининден билинир
- Уясында не кёрсе, учханында аны этер.
- Ач келгенни – тойдур, кеч келгенни – къондур.
- Джерни букъусу кёкге къонмаз.
- Кёб джат да, бек чаб.
- Айырылгъанланы айю ашар, бёлюннгенлени бёрю ашар.
- Айранны сюйген, ийнек тутар.
- Къуллукъчума, деб махтанма, къуллукъ – хаух джамчыды!
- Терек ауса, отунчу – кёб.
- Тенгни тенглиги джашай барсанг билинир.
- Таукел адам тау тешер.
- Юре билмеген ит, къонакъ келтирир.
- Арыгъан къош чамчы болур.
- Адам къаллай бир ишленмесе, аллай бир кесин уллу кёреди.
- Адамны сыфатына къарама, сёзюне къара.
- Кимни – тили, тиши онглу, кимни – къолу, иши онглу.
- Ишлерге уял да, ашаргъа табма.
- Тамчы таш тешер.
- Эртде тургъан джылкъычыны эркек аты тай табар.
Урал, Болгария, Катар, Кавказ, Иран
03.10.2012