- Айранын берсенг, челегин да къызгъанма.
- Нёгерсизни джолу узун.
- Таш ата билмеген, башына урур.
- Чомартны къолу берекет.
- Иги сеники эсе да, сюйген кесимикин этеме.
- Ауругъаннга – кийик саулукъ, джетген къызгъа – чилле джаулукъ.
- Бермеген къол, алмайды.
- Чалманны аллы къалай башланса, арты да алай барады.
- Телини эшигин, махтау джабар.
- Билимден уллу байлыкъ джокъду.
- Аууз сакълагъан – джан сакълар.
- Джахил болса анасы, не билликди баласы?
- Окъугъанны бети джарыкъ.
- Ана кёлю – балада, бала кёлю – талада.
- Татлы тилде – сёз ариу, чемер къолда – иш ариу.
- Къанны къан бла джуума, аманны аман бла къуума.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Адам къыйынлыгъын кёлтюрюр, зауукълугъун кёлтюрмез.
- Джылар джаш, атасыны сакъалы бла ойнар.
- Ач, тоймам, дейди, тойгъан, ач болмам, дейди.
- Эл элде бирер малынг болгъандан эсе, бирер тенгинг болсун.
- Намыс сатылыб алынмайды.
- Адам боллукъ, атламындан белгили болур.
- Къуру гыбыт бек дыгъырдар.
- Адамны сыфатына къарама, сёзюне къара.
- Аман къатын алгъан, арыр, иги къатын алгъан джарыр.
- Айтхан – тынч, этген – къыйын.
- Хоншуну тауугъу къаз кёрюнюр, келини къыз кёрюнюр.
- Тилде сюек болмаса да, сюек сындырыр.
- Нафысынгы айтханын этме, намысынгы айтханын эт.
- Тойгъандан сора, ашны сёкме.
- Джангыз торгъай джырламаз.
- Чабакъгъа акъыл, табагъа тюшсе келеди.
- Кёкдеги болмаса, джердегин кёрмейди.
- Элиб деген, элге болушур.
- Кёзю сокъурдан – къоркъма, кёлю сокъурдан – къоркъ.
- Гугук кесини атын айтыб къычыргъанча, мен, мен деб нек тураса?
- Билим къая тешер.
- Окъдан джара эртде-кеч болса да бителир, сёз джара, ёмюрге къалыр.
- Къыз келсе, джумуш эте келеди, къатын келсе, ушакъ эте келеди.
- Ойнай-ойнай кёз чыгъар.
- Аманны эки битли тону болур, бирин сеннге кийдирир, бирин кеси киер.
- Туз, гырджын аша, тюзлюк бла джаша.
- Тиширыусуз юй – отсуз от джагъа.
- Мал тутхан – май джалар.
- Джаш къарыу бла кючлю, къарт акъыл бла кючлю.
- Къатын къылыкъсыз, эр тынчлыкъсыз.
- Сёз къанатсыз учар.
- Иги адам абынса да, джангылмаз.
- Айтылгъан буйрукъ, сёгюлмез
Урал, Болгария, Катар, Кавказ, Иран
03.10.2012