- Арба аугъандан сора, джол кёргюзтюучю кёб болур.
- Сёз сёзню айтдырыр.
- Сыфатында болмагъаны, суратында болмаз.
- Урунуу – насыбны анасы.
- Иги болса, тамадама – махтау, аман болса, меннге – айыб.
- Мен да «сен», дейме, сен да «кесим», дейсе.
- Джети тилни билген джети кишиди.
- Аман адам этегингден тутса, кес да къач.
- Ариуну – ауруу кёб.
- Башынга джетмегенни сорма.
- Къыз тиширыу кеси юйюнде да къонакъды.
- Таякъ этден ётер, тил сюекден ётер.
- Адебни адебсизден юрен.
- Кёрмегеннге кебек – танг, битмегеннге сакъал – танг.
- Байлыкъ тауусулур, билим тауусулмаз.
- Къатыны харакетли болса, эри къымсыз болур.
- Кёб ант этген, кёб ётюрюк айтыр.
- Ишлерге уял да, ашаргъа табма.
- Чакъырылмагъан джерге барма, чакъырылгъан джерден къалма.
- Душманны тышы – акъ, ичи – къара.
- Джигер – джаннга къыйынлыкъ.
- Ёпкелегенни ашы татлы болады.
- Акъыл бла адеб эгизледиле.
- Аманнга алтын чыдамаз.
- Аман эсирсе, юйюн ояр.
- Джашда акъыл джокъ, къартда къарыу джокъ.
- Тилчиден кери бол.
- Къыз келсе, джумуш эте келеди, къатын келсе, ушакъ эте келеди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Туз, гырджын аша, тюзлюк бла джаша.
- Тёзген – тёш ашар!
- Адеби болмагъан къыз – тузсуз хант.
- Аман хансны – урлугъу кёб.
- Аш берме да, къаш бер.
- Къарны аманнга къазан такъдырма, къолу аманнга от джакъдырма.
- Ашхы – джыяр, аман – джояр.
- Аджаллыгъа окъсуз шкок атылыр.
- Джумушакъ сёз къаты таякъны сындырыр.
- Уллу суу бла уллу ауруудан башынгы сакъла.
- Эркишини аманы тиширыуну джылатыр.
- Чомартха хар кюн да байрамды.
- Къызын тута билмеген, тул этер, джашын тута билмеген, къул этер.
- Адамны адамлыгъы къыйынлыкъда айгъакъланады.
- Къазанны башы ачыкъ болса, итге уят керекди.
- Сёлеш деб шай берген, тохта деб, сом берген.
- Садакъачыны джаны – къапчыгъында.
- Эки ойлашыб, бир сёлешген.
- Аманнга да, игиге да оноусуз къатышма.
- Эринчекге кюн узун.
- Джюрек кёзден алгъа кёрюр.
Урал, Болгария, Катар, Кавказ, Иран
03.10.2012