Эльбрусоид :: Эльбрусоид :: Урал, Болгария, Катар, Кавказ, Иран

Джауумдан сора, кюн кюйдюрюр, ётюрюкден сора, айыб кюйдюрюр.
Эм уллу байлыкъ – джан саулукъ.
Иши джокъну, сыйы джокъ.
Билмезни кёзю кёрмез, этмезни къулагъы эшитмез.
Битмегеннге сакъал – танг.
Сибиртки да сыйлы болду, кюрек да кюнлю болду.
Джерни букъусу кёкге къонмаз.
Иги сёз – джаннга азыкъ, аман сёз башха – къазыкъ.
Сабийни джумушха джибер да, ызындан бар.
Ашхы тенг джолгъа салыр, аман тенг джолдан тайдырыр.
Бюгюн дуния кибик, тамбла ахыратды.
Таш ата билмеген, башына урур.
Джангыз торгъай джырламаз.
Билими азны – ауузунда кирит.
Аман адам этегингден тутса, кес да къач.
Къозулугъунда тоймагъан, къойлугъунда тоймаз.
Билген билмегенни юретген адетди.
Рысхысына кёре, джаш ёсер, къышлыгъына кёре, мал ёсер.
Намыс болмагъан джерде, насыб болмаз.
Акъыллы башны – тили къысха.
Тойгъан джерден туугъан джер игиди.
Тик ёргени, тик энгишгеси да болады.
Биреуню тёрюнден, кесинги эшик артынг игиди.
Ашхы сёз таш тешер.
Къаллай салам берсенг, аллай джууаб алырса.
Эл тойса, тоймагъан, эл къойса, къоймагъан.
Тил – миллетни джаны.
Тенги кёбню джау алмаз, акъылы кёбню дау алмаз.
Ауругъанны сау билмез, ач къарынны токъ билмез.
Къарын къуру болса, джюрек уру болур.
Къызын тута билмеген, тул этер, джашын тута билмеген, къул этер.
Иги адамны бир сёзю эки болмаз.
Сакъалы текени да бар, мыйыгъы киштикни да бар.
Тин – байлыгъынг, терен саулугъунг.
Шайтан алдады, тюзлюк къаргъады.
Таякъ этден ётер, тил сюекден ётер.
Кеси юйюмде мен да ханма.
Ачыу алгъа келсе, акъыл артха къалады.
Сагъыш – къартлыкъгъа сюйюмчю.
Акъыл къартда, джашда тюйюлдю – башдады.
Ашхы болсанг, атынг чыгъар, аман болсанг, джанынг чыгъар.
Ач, тоймам, дейди, тойгъан, ач болмам, дейди.
Джигер – джаннга къыйынлыкъ.
Сёз къанатсыз учар.
Адамны аты башхача, акъылы да башхады.
Юй кюйдю да, кюйюз чыкъды, ортасындан тюйюш чыкъды.
Хоншуну тауугъу къаз кёрюнюр, келини къыз кёрюнюр.
Къыйынлы джети элге оноу этер.
Тау башында, тау болмаз, джангыз терек, бау болмаз.
Къуру гыбыт бек дыгъырдар.