- Ачылгъан эт джабылыр, кёрген кёз унутмаз.
- Иги сеники эсе да, сюйген кесимикин этеме.
- Къатын байлыкъны сюер, эр саулукъну сюер.
- Иги бла джюрюсенг, джетерсе муратынга, аман бла джюрюсенг, къалырса уятха.
- Башсыз урчукъ тюзюне айланмаз.
- Джолда аягъынга сакъ бол, ушакъда тилинге сакъ бол.
- Мухар, кеси тойса да, кёзю тоймаз.
- Тулпарлыкъ, билекден тюл – джюрекден.
- Халкъгъа джарагъан, джарлы къалмаз.
- Акъыллы эркиши атын махтар, акъылсыз эркиши къатынын махтар.
- Джашынгы кесинг юретмесенг, джашау юретир.
- Бир абыннган – минг сюрюнюр.
- Байлыкъ болгъан джерде, тынчлыкъ джокъду.
- Эл элде бирер малынг болгъандан эсе, бирер тенгинг болсун.
- Ашыкъгъанны этеги бутуна чырмалыр.
- Тойгъа алгъа да барма, тойда артха да къалма.
- Билим насыб берир, билим джолну керир.
- Биреу къой излей, биреу той излей.
- Къызбайны юйюне дери сюрсенг, батыр болур.
- Акъыл сабырлыкъ берир.
- Олтуруб кёрюнмей эди да, ёрге туруб кёрюне эди.
- Сабийликде юретмесенг, уллу болса – тюзелмез.
- Рысхы – сют юсюнде кёмюк кибикди.
- Ашхы сёз таш тешер.
- Ат да турмайды бир териде.
- Ишни аллы бла къууанма да, арты бла къууан.
- Тенгни тенглиги джашай барсанг билинир.
- Къая джолда джортма, ачыкъ сёзден къоркъма.
- Ариу сёз аурууунгу алыр.
- Гыдай эчки суугъа къараб, мюйюзле кёрмесе, джашма алкъын, дегенди.
- Юйюнгден чыкъдынг – кюнюнгден чыкъдынг.
- Юй кюйдю да, кюйюз чыкъды, ортасындан тюйюш чыкъды.
- Къонагъы джокъну – шоху джокъ.
- Сибиртки да сыйлы болду, кюрек да кюнлю болду.
- Телини эшигин, махтау джабар.
- Джумушакъ сёз къаты таякъны сындырыр.
- Джарлы джети элни сёзюн этер.
- Байлыкъ тауусулур, билим тауусулмаз.
- Ашлыкъ – бюртюкден, джюн – тюкден.
- Элни кючю – эмеген.
- Ёлмесенг да, къарт дамы болмазса?
- Къуллукъчума, деб махтанма, къуллукъ – хаух джамчыды!
- Къартны бурнун сюрт да, оноугъа тут.
- Къонакъны къачан кетерин сорма, къачан келлигин сор.
- Ёлген аслан – сау чычхан.
- Эркиши – от, тиширыу – суу.
- Кёб джат да, бек чаб.
- Адамны сабийин сюйген джюреги, бычакъча, джитиди.
- Чакъырылгъанны аты, чакъырылмагъанны багъасы болур.
- Байлыкъдан саулукъ ашхыды.
Урал, Болгария, Катар, Кавказ, Иран
03.10.2012