- Акъыл неден да кючлюдю.
- Айтылгъан сёз ызына къайтмаз.
- Рысхы джалгъанды: келген да этер, кетген да этер.
- Шекер бла туз – бир болмаз, ушамагъан – юй болмаз.
- Къанны къан бла джуума, аманны аман бла къуума.
- Аш кетер да бет къалыр.
- Накъырда – кертини келечиси.
- Тамбла алтындан бюгюн багъыр ашхы.
- Дуния малгъа сатылма, кесингден телиге къатылма.
- Ачны эсинде – аш.
- Тау башында, тау болмаз, джангыз терек, бау болмаз.
- Хатерли къул болур.
- Уллу къазанда бишген эт, чий къалмаз.
- Ариу сёз – къылычдан джити.
- Ёнгкюч къууана барыр, джылай келир.
- Босагъагъа джууукъ орун болса, ашыгъыб тёрге озма.
- Къонакъны къачан кетерин сорма, къачан келлигин сор.
- Суугъа – таянма, джаугъа – ийнанма.
- Намыс болмагъан джерде, насыб болмаз.
- Тин – байлыгъынг, терен саулугъунг.
- Сыфатында болмагъаны, суратында болмаз.
- Къууут – джелге, берне – бошха.
- Халкъны джырын джырласанг, халкъ санга эжиу этер.
- Аман къатын алгъан, арыр, иги къатын алгъан джарыр.
- Кюлме джашха – келир башха.
- Ата Джуртуму башы болмасам да, босагъасында ташы болайым.
- Эринчекни эр алмаз, эр алса да, кёл салмаз, кёл салса да, кёб бармаз!
- Адеб этмеген, адеб кёрмез.
- Сабыр джетер муратха, сабырсыз къалыр уятха.
- Иесиз малны бёрю ашар.
- Эр сокъур болсун, къатын тилсиз болсун.
- Адам боллукъ, атламындан белгили болур.
- Рысхы – сют юсюнде кёмюк кибикди.
- Адебни адебсизден юрен.
- Джырына кёре эжиую.
- Адам къыйынлыгъын кёлтюрюр, зауукълугъун кёлтюрмез.
- Нёгер болсанг, тенг бол, тенг болмасанг, кенг бол.
- Юйюнгден чыкъдынг – кюнюнгден чыкъдынг.
- Экеулен сёлеше тура эселе, орталарына барыб кирме.
- Ата – баланы уясы.
- Эки къатын алгъанны къулагъы тынгнгаймаз.
- Башы джабылгъан челекге, кир тюшмез.
- Экеу тутушса, биреу джыгъылыр.
- Сууда джау джокъ, кёб сёзде магъана джокъ.
- Ишни аллы бла къууанма да, арты бла къууан.
- Уруну арты – къуру.
- Аш хазыр болса, иш харам болур.
- Ач келгенни – тойдур, кеч келгенни – къондур.
- Ёлген аслан – сау чычхан.
- Минг тенг да азды, бир джау да кёбдю.
