Эльбрусоид :: Эльбрусоид

Ёлген аслан – сау чычхан.
Бети къызарыучу адамны, джюреги харам болмаз.
Насыб бютеу халкъны юлюшюдю.
Айран тёгюлсе, джугъусу къалыр.
Бек анасы джыламаз.
Бойнуму джети джерден кессенг да, мен ол ишни этеллик тюлме.
Аджашханны ызындагъы кёреди, джангылгъанны джанындагъы биледи.
Чабакъгъа акъыл, табагъа тюшсе келеди.
Накъырда – кертини келечиси.
Чалманны аллы къалай башланса, арты да алай барады.
Мухар, кеси тойса да, кёзю тоймаз.
Игиге айтсанг – билир, аманнга айтсанг – кюлюр.
Эрни эр этерик да, къара джер этерик да, тиширыуду.
Дженгил джетерикме деб, узун джолну къоюб, къысхасын барма.
Ата Джуртун танымагъан, атасын да танымаз.
Джаным-тиним – окъуу, билим.
Кесине гебен этелмеген, биреуге черен эте эди.
Къыйынлы джети элге оноу этер.
Башланнган иш битер, къымылдагъан тиш тюшер.
Айтылгъан буйрукъ, сёгюлмез
Джюрекге ариу – кёзге да ариу.
Ачны эсинде – аш.
Кютгени беш эчки, сызгъыргъаны уа, джерни джарады.
Шайтан алдады, тюзлюк къаргъады.
Къарны аманнга къазан такъдырма, къолу аманнга от джакъдырма.
Азыкъ аз болса, эртде орун сал.
Мал ёлсе, сюек къалыр, адам ёлсе, иши къалыр.
Уллу айтханны этмеген – уллаймаз.
Акъылсызны джууукъгъа алма, акъыллыны кенгнге салма.
Этни бети бла шорпасы.
Бозанг болмагъан джерге, къалагъынгы сукъма.
Танг атмайма десе да, кюн къоярыкъ тюйюлдю.
Къайгъыны сюйген, къайгъы табар.
Эллинг бла джау болсанг да, юйюнг бла джау болма.
Таш бла ургъанны, аш бла ур.
Ашхылыкъ джерде джатмайды, аманлыкъ суугъа батмайды.
Ёлген ийнек сютлю болур.
Къазанчы аман болса, къазаны къайнамаз.
Ана къолу ачытмаз.
Дууулдаса – бал чибин, къонса – къара чибин.
Къарт болгъан джерде, берекет болур, сабий болгъан джерде, оюн болур.
Къолунгдан къуймакъ ашатсанг да, атаны борчундан къутулмазса.
Аманны эки битли тону болур, бирин сеннге кийдирир, бирин кеси киер.
Аш берме да, къаш бер.
Ётюрюк хапар аякъ тюбю бла джюрюйдю.
Къонагъынгы артмагъын алма да, алгъышын ал.
Илму – джашауну джолу.
Хазыр ашха – терен къашыкъ.
Аманнга алтын чыдамаз.
Ашарыкъда сайлагъаннга – чий гырджын.