Эльбрусоид :: Эльбрусоид :: Урал, Болгария, Катар, Кавказ, Иран

Къолу уллу – асыу, аягъы уллу – джарсыу.
Джаным-тиним – окъуу, билим.
Къошда джокъгъа – юлюш джокъ.
Кёрмегеннге кебек – танг, битмегеннге сакъал – танг.
Игилик игилик бла сингдирилиучю затды.
Къоркъакъны кёзю экили кёрюр.
Къонакъны къачан кетерин сорма, къачан келлигин сор.
Алтыннга тот къонмаз.
Ишлегенден, къарагъан уста.
Аджал соруб келмез, келсе, къайтыб кетмез.
Тешигини къатында, чычхан да батыр болур.
Эм ашхы къайын ана мамукъ бла башынгы тешер.
Ёлген ийнек сютлю болур.
Ётген ёмюр – акъгъан суу.
Тенгни тенглиги джашай барсанг билинир.
Кютгени беш эчки, сызгъыргъаны уа, джерни джарады.
Урунуу – насыбны анасы.
Чыкълы кюнде чыкъмагъан, чыкъса къуру кирмеген.
Джылыгъа джылан илешир.
Сёз къанатсыз учар.
Гырджын – тепсини тамадасы.
Агъач халкъгъа алтынды, иссиликге салкъынды.
Билими азны – ауузунда кирит.
«Ма», - дегенни билмесенг, «бер», - дегенни билмезсе.
Керилген да, ургъан кибикди.
Тай асырагъан, атха минер.
Ойнай билмеген, оюн бузар.
Къатын байлыкъны сюер, эр саулукъну сюер.
Тил джюрекге джол ишлейди.
Ариу сёз – къылычдан джити.
Аманны эки битли тону болур, бирин сеннге кийдирир, бирин кеси киер.
Сабий болмагъан джерде, мёлек болмаз.
Тюзлюк тас болмайды.
Ата Джуртча джер болмаз, туугъан элча эл болмаз.
Арбаз къынгырды да, ийнек сауалмайма.
Ёксюзню тилеги къабыл болур.
Эртде тургъан джылкъычыны эркек аты тай табар.
Къаллай салам берсенг, аллай джууаб алырса.
Игиге айтсанг – билир, аманнга айтсанг – кюлюр.
Айтылгъан сёз ызына къайтмаз.
Кийим тукъум сордурур.
Иги адам абынса да, джангылмаз.
Керек ташны ауурлугъу джокъ.
Эл элде бирер малынг болгъандан эсе, бирер тенгинг болсун.
Бюгюн дуния кибик, тамбла ахыратды.
Таула не мийик болсала да, аууш табылыр.
Арпа, будай – ащды, алтын, кюмюш а – ташды.
Арыгъан къош чамчы болур.
Аман къатын алгъан, арыр, иги къатын алгъан джарыр.
Адамны сабийин сюйген джюреги, бычакъча, джитиди.