- Тойну къарнашы – харс, джырны къарнашы – эжиу.
- Келгинчи, къонакъ уялыр, келгенден сора, къонакъбай уялыр.
- Кийим тукъум сордурур.
- Билимли ёлмез, билимсиз кёрмез.
- Ёмюрлюк шохлукъну джел элтмез.
- Байма, деб да, къууанма, джарлыма, деб да, джылама.
- Джаз бир кюнню джатсанг, къыш талай кюнню абынырса.
- Адеб базарда сатылмаз.
- Тюз сёз баргъан сууну тыяр.
- Къарын къуру болса, джюрек уру болур.
- Билимсиз иш бармаз.
- Ат да турмайды бир териде.
- Къатыны харакетли болса, эри къымсыз болур.
- Ачны эсинде – аш.
- Джыланны къуйругъундан басарынг келсе, аны башы болгъанын унутма.
- Эркишиге тары кебек танг кёрюнюр.
- Атлыны кёрсе, джаяуну буту талыр.
- Тойгъа алгъа да барма, тойда артха да къалма.
- Кёлю джокъну – джолу джокъ.
- Айранын берсенг, челегин да къызгъанма.
- Мал тутхан – май джалар.
- Суу да къайтады чыкъгъан джерине.
- Тешигини къатында, чычхан да батыр болур.
- Тура эдим джата, къайдан чыкъды хата?
- Накъырда – кертини келечиси.
- Болджал ишни бёрю ашар.
- Уллу сёлешме да, уллу къаб.
- Ач уят къоймаз.
- Билмегенинги, билгеннге сор.
- Рысхы – сют юсюнде кёмюк кибикди.
- Юйюнгден чыкъдынг – кюнюнгден чыкъдынг.
- Ата джурт – алтын бешик.
- Бёрю да ач къалмасын, эчки да ашалмасын.
- Ачлыкъда тары гырджын халыуадан татлы.
- Аз айтсам, кёб ангылагъыз.
- Тёзгеннге, джабылгъан эшик ачылыр.
- Адеб этмеген, адеб кёрмез.
- Тин – байлыгъынг, терен саулугъунг.
- Тау башында, тау болмаз, джангыз терек, бау болмаз.
- Туз, гырджын аша, тюзлюк бла джаша.
- Шекер бла туз – бир болмаз, ушамагъан – юй болмаз.
- Алтыда кюлмеген, алтмышда кюлмез.
- Къарыусузгъа кюлме, онгсузгъа тийме.
- Кёбге таш атма.
- Хоншуну тауугъу къаз кёрюнюр, келини къыз кёрюнюр.
- Тойгъанлыкъ къойгъа джарашады.
- Адамны аманы адамны бети бла ойнар.
- Акъдан къара болмаз.
- Магъанасыз сёз – тауушсуз сыбызгъы.
- Джашынгы кесинг юретмесенг, джашау юретир.