Эльбрусоид :: Эльбрусоид

Къалгъан ишге къар джауар.
Адам боллукъ, атламындан белгили болур.
Кюлме джашха – келир башха.
Берекет берсин деген джерде, берекет болур.
Накъырданы арты керти болур.
Алма терегинден кери кетмез.
Къуллукъчума, деб махтанма, къуллукъ – хаух джамчыды!
Ач къарным, тынч къулагъым.
Ашарыкъда сайлагъаннга – чий гырджын.
Байлыкъдан саулукъ ашхыды.
Эл тойса, тоймагъан, эл къойса, къоймагъан.
Чыбыкълыкъда бюгюлмеген, къазыкълыкъда бюгюлмей эди.
Джан саулукъ бермей, сан саулукъ бермезсе.
Билимден уллу байлыкъ джокъду.
Билмегенинги, билгеннге сор.
Ёлген эшек бёрюден къоркъмайды.
Айырылгъанланы айю ашар, бёлюннгенлени бёрю ашар.
Суугъа – таянма, джаугъа – ийнанма.
Намысы джокъну – дуниясы джокъ.
Итли къонакъ джарашмаз.
Келгинчи, къонакъ уялыр, келгенден сора, къонакъбай уялыр.
Ёлюр джаннга, ёкюл джокъ.
Джерни букъусу кёкге къонмаз.
Кийимни бичсенг, кенг бич, тар этген къыйын тюлдю.
Джарлы джети элни сёзюн этер.
Адамгъа аман кюн соруб келмейди.
Къумурсхала джыйылсала, пилни да джыгъадыла.
Кёлсюзден сёзсюз тууар.
Юй ишлеген балта эшикде къалыр.
Аз айтсам, кёб ангылагъыз.
Баргъанынга кёре болур келгенинг.
Чакъырылмагъан джерге барма, чакъырылгъан джерден къалма.
Бойнуму джети джерден кессенг да, мен ол ишни этеллик тюлме.
Кёрмегеннге кебек – танг, битмегеннге сакъал – танг.
Аман адам этегингден тутса, кес да къач.
Босагъагъа джууукъ орун болса, ашыгъыб тёрге озма.
Ёзденликни джайгъан – джокълукъ.
Къарнынг тойгъунчу аша да, белинг талгъынчы ишле.
Иги – алгъыш этер, аман – къаргъыш этер.
Тенгни тенглиги джашай барсанг билинир.
Адеби болмагъан къыз – тузсуз хант.
Тил – миллетни джаны.
Акъыллы эркиши атын махтар, акъылсыз эркиши къатынын махтар.
Юй кюйдю да, кюйюз чыкъды, ортасындан тюйюш чыкъды.
Айтхан – тынч, этген – къыйын.
Ишлегенде эринме, ишде чолакъ кёрюнме.
Ётюрюкню башын керти кесер.
Аджал соруб келмез, келсе, къайтыб кетмез.
Джиби бир къат джетмей эди да, эки къат тарта эди.
Башынга джетмегенни сорма.