Эльбрусоид :: Эльбрусоид

Урунуу – насыбны анасы.
Ана – юйню кюн джарыгъы.
Ашарыкъда сайлагъаннга – чий гырджын.
Тойгъандан сора, ашны сёкме.
Азыгъы аз, алгъа къабар, аты аман, алгъа чабар.
Кюн кёрмеген, кюн кёрсе, кюндюз чыракъ джандырыр.
Сагъышы джокъ – джукъучу, акъылы джокъ – къаугъачы.
Къарнынг бла ёч алма.
Орундукъ тюбюнде атылсам да, орта джиликме, де да айлан.
Таукелге нюр джауар.
Керилген да, ургъан кибикди.
Аш иеси бла татлыды.
Башынга джетмегенни сорма.
Билим ат болуб да чабар, къуш болуб да учар.
Ачыкъ джюрекге джол – ачыкъ.
Оюмсуз атлагъан, аджалсыз ёлюр.
Къайгъы тюбю – тенгиз.
Ариу сёз аурууунгу алыр.
Ёлген ийнек сютлю болур.
Шекер бла туз – бир болмаз, ушамагъан – юй болмаз.
Билим къая тешер.
Тойгъан джерден туугъан джер игиди.
Адам боллукъ, атламындан белгили болур.
Чабар ат – джетген къыз.
Бетинги сатма, малынгы сат.
Сормай – алма, чакъырылмай – барма.
Тай асырагъан, атха минер.
Ач да бол, токъ да бол – намысынга бек бол.
Мухар, кеси тойса да, кёзю тоймаз.
Таукел тауну аудурур.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Таугъа чыгъаллыкъ эсенг, тюзде къалма.
Тойгъан джерге джети къайт.
Кеси юйюмде мен да ханма.
Адамгъа аман кюн соруб келмейди.
Къарт болгъан джерде, берекет болур, сабий болгъан джерде, оюн болур.
Кечеси – аяз, кюню – къыш, джарлы къаргъагъа бир аш тюш!
Юй ишлеген балта эшикде къалыр.
Джыйырма къойну юч джыйырма эбзе кюте эди.
Акъдан къара болмаз.
Айырылмаз джууугъунга, унутмаз сёзню айтма.
Аш берме да, къаш бер.
Дууулдаса – бал чибин, къонса – къара чибин.
Бети бедерден, намыс сакълама.
Эр абынмай, эл танымаз.
Ойнаб айтсанг да, эслеб айт.
Юйлю уругъа ит чабмаз.
Тойгъан антын унутур.
Тёрени джагъы джокъ.
Сёлеш деб шай берген, тохта деб, сом берген.