- Юйюнг бла джау болгъандан эсе, элинг бла джау бол.
- Ата – баланы уясы.
- Атлыны ашхысы, ат тизгининден билинир
- Кюн – узун, ёмюр – къысха.
- Къарны аманнга къазан такъдырма, къолу аманнга от джакъдырма.
- Иги болса, тамадама – махтау, аман болса, меннге – айыб.
- Джюрек кёзден алгъа кёрюр.
- Биреуню тёрюнден, кесинги эшик артынг игиди.
- Джарлыны тону джаз битер.
- Чакъырылмай келген къонакъ сыйланмай кетер.
- Тёзгеннге, джабылгъан эшик ачылыр.
- Джан саулукъ бермей, сан саулукъ бермезсе.
- Сабыр джетер муратха, сабырсыз къалыр уятха.
- Намысы болмагъанны, сыйы болмаз.
- Башынга джетмегенни сорма.
- Татлы тилде – сёз ариу, чемер къолда – иш ариу.
- Таш ата билмеген, башына урур.
- Аууздан келген, къолдан келсе, ким да патчах болур эди.
- Иги адам абынса да, джангылмаз.
- Нёгер болсанг, тенг бол, тенг болмасанг, кенг бол.
- Ариу сёз аурууунгу алыр.
- Таукел тауну аудурур.
- Агъач – джерни чырайы, кийим – эрни чырайы.
- Ашарыкъда сайлагъаннга – чий гырджын.
- От кюйдюрген, сау болса да, тот кюйдюрген, сау болмаз.
- Уллу сёлешме да, уллу къаб.
- Адеб базарда сатылмаз.
- Насыблы элин сюер, насыбсыз кесин сюер.
- Aдам боллукъ, сыфатындан белгили.
- Ишленмеген джаш – джюгенсиз ат, ишленмеген къыз – тузсуз хант.
- Тойгъан антын унутур.
- Къызбайны юйюне дери сюрсенг, батыр болур.
- Къыз тиширыу кеси юйюнде да къонакъды.
- Джауумдан сора, кюн кюйдюрюр, ётюрюкден сора, айыб кюйдюрюр.
- Битмегеннге сакъал – танг.
- Джарлы джети элни сёзюн этер.
- Джашны джигитлиги сорулур, къызны джигерлиги сорулур.
- Башы джабылгъан челекге, кир тюшмез.
- Кесинге джетмегенни, кёб сёлешме.
- Кюн кёрмеген, кюн кёрсе, кюндюз чыракъ джандырыр.
- Орну джокъну – сыйы джокъ.
- Къуру гыбыт бек дыгъырдар.
- Зар адам ашынгы ашар, кесинги сатар.
- Кёлсюзден сёзсюз тууар.
- Нафысынгы айтханын этме, намысынгы айтханын эт.
- Окъуу – билимни ачхычы, окъуу – дунияны бачхычы.
- Тилчи бир сагъатха айлыкъ хата этер.
- Джангызны оту джарыкъ джанмаз!
- Джуртун къоругъан озар.
- Ашха уста, юйюнде болсун