- Кёбден умут этиб, аздан къуру къалма.
- Бек ашыкъгъан меннге джетсин, дегенди аракъы.
- Аман эсирсе, юйюн ояр.
- Зарда марда джокъ.
- Акъыллы башны – тили къысха.
- Къарнынг тойгъунчу аша да, белинг талгъынчы ишле.
- Джукъу тёшек сайламайды.
- Адамгъа аман кюн соруб келмейди.
- Хата – гитчеден.
- Ашлыкъ – бюртюкден, джюн – тюкден.
- Тойгъан антын унутур.
- Кёбге таш атма.
- Ишлегенде эринме, ишде чолакъ кёрюнме.
- Чомарт къонакъ юй иесин сыйлар.
- Аш берме да, къаш бер.
- Элге къуллукъ этмеген, элге ие болмаз.
- Ачылгъан эт джабылыр, кёрген кёз унутмаз.
- Айырылгъанланы айю ашар, бёлюннгенлени бёрю ашар.
- Азыкъ аз болса, эртде орун сал.
- Aдам боллукъ, сыфатындан белгили.
- Тил – кесген бычакъ, сёз – атылгъан окъ.
- Таш ата билмеген, башына урур.
- Кёб къычыргъандан – къоркъма, тынч олтургъандан – къоркъ.
- Билим насыб берир, билим джолну керир.
- Эринчекге кюн узун.
- Агъач – джерни чырайы, кийим – эрни чырайы.
- Тамбла алтындан бюгюн багъыр ашхы.
- Мен да «сен», дейме, сен да «кесим», дейсе.
- Джаным-тиним – окъуу, билим.
- Намыс сатылыб алынмайды.
- Ётюрюкден тюбю джокъ, кёлтюрюрге джиби джокъ.
- Телини эшигин, махтау джабар.
- Келгинчи, къонакъ уялыр, келгенден сора, къонакъбай уялыр.
- Кёб джашагъан – кёб билир.
- Акъыллы – эл иеси, тели – эл баласы.
- Бал чибинни ургъаны – ачы, балы – татлы.
- Тура эдим джата, къайдан чыкъды хата?
- Итли къонакъ джарашмаз.
- Иги сёз – джаннга азыкъ, аман сёз башха – къазыкъ.
- Тойгъан джерге джети къайт.
- Аман хансны – урлугъу кёб.
- Баланы адам этген анады.
- Чомарт джарлы болмаз.
- Эки къатын алгъан – эки ташны ортасына башын салгъан.
- Шапа кёб болса, аш татымсыз болур.
- Адамны артындан къара сабан сюрме.
- Хансыз джомакъ болмаз.
- Кёб джат да, бек чаб.
- Ишин билген, аны сыйын чыгъарады.
- Биреуге кёлтюрген таягъынг, кесинги башынга урур.