Эльбрусоид :: Эльбрусоид

Адеб этмеген, адеб кёрмез.
Чабакъ башындан чирийди.
Кёл ашады да, кеси ашады.
Суугъа – таянма, джаугъа – ийнанма.
Джиби бир къат джетмей эди да, эки къат тарта эди.
Мадар болса, къадар болур.
Адеби болмагъан къыз – тузсуз хант.
Тёгюлген тюгел джыйылмайды.
Ашхылыкъ джерде джатмайды, аманлыкъ суугъа батмайды.
Ариу джол аджал келтирмез.
Ачны эсинде – аш.
Тилчи бир сагъатха айлыкъ хата этер.
Мураты болгъанны джюрек тебюую башхады.
Адам туугъан джеринде, ит тойгъан джеринде.
Чоюнну башы ачыкъ болса, итге уят керекди.
Тас болгъан бычакъны сабы – алтын.
Адамны сыфатына къарама, сёзюне къара.
Душманны тышы – акъ, ичи – къара.
Ана къойну – балагъа джандет.
Ётюрюкню къуйругъу – бир тутум.
Чёбню кёлтюрсенг, тюбюнден сёз чыгъар.
Ётюрюкчюню шагъаты – къатында.
Къуллукъчума, деб махтанма, къуллукъ – хаух джамчыды!
Чакъырылмагъан джерге барма, чакъырылгъан джерден къалма.
Гырджын – тепсини тамадасы.
Джауумдан сора, кюн кюйдюрюр, ётюрюкден сора, айыб кюйдюрюр.
Ёзденликни кёбю ётюрюк.
Сууда джау джокъ, кёб сёзде магъана джокъ.
Киштикге къанат битсе, чыпчыкъ къалмаз эди.
Чакъырылмай келген къонакъ сыйланмай кетер.
Ач – эснер, ат – кишнер.
Башда акъыл болмаса, эки аякъгъа кюч джетер.
Хаухну атма, ёнгкючню сатма.
Тынгылагъан тынгы бузар.
Керек ташны ауурлугъу джокъ.
Уллу сёлешме да, уллу къаб.
Нарт сёз – тилни бети.
Тёрени джагъы джокъ.
Ышармагъан – кюлмез, кюлмеген – къууанчны билмез.
Эртде тургъан бла эртде юйленнген сокъуранмаз.
Тёрде – темир таякълы, къаяда – чыпчыкъ аякълы.
Баланы адам этген анады.
Тил бла келеди джыр да.
Миллетни бойну – базыкъ, аны бла кюрешген – джазыкъ.
Аджашханны ызындагъы кёреди, джангылгъанны джанындагъы биледи.
Къатын байлыкъны сюер, эр саулукъну сюер.
Эли джокъну – кёлю джокъ.
Къарнынг бла ёч алма.
Эртде тургъан джылкъычыны эркек аты тай табар.
Байны оноуу, джарлыгъа джарамаз.