- Ёлген аслан – сау чычхан.
- Мен да «сен», дейме, сен да «кесим», дейсе.
- Эшекге миннген – биринчи айыб, андан джыгъылгъан – экинчи айыб.
- Айтхан – тынч, этген – къыйын.
- Аджаллыгъа окъсуз шкок атылыр.
- Байлыкъ тауусулур, билим тауусулмаз.
- Тил джюрекге джол ишлейди.
- Байлыкъдан саулукъ ашхыды.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ашхы – джыяр, аман – джояр.
- Ёлмесенг да, къарт дамы болмазса?
- Акъыллы айтыр эди, акъылсыз къоймайды.
- Джырчы ёлсе, джыры къалыр.
- Ашда уялгъан – мухар, ишде уялгъан – хомух.
- Aдам боллукъ, сыфатындан белгили.
- Аууздан келген, къолдан келсе, ким да патчах болур эди.
- Адебни адебсизден юрен.
- Чарсда алчыны эл кёреди.
- Джаш болсун, къыз болсун, акъылы, саны тюз болсун.
- Ёмюрлюк шохлукъну джел элтмез.
- Байма, деб да, къууанма, джарлыма, деб да, джылама.
- Бети бедерден, намыс сакълама.
- Аманны къуугъан, аманлыкъ табар.
- Азыкълы ат арымаз, къатыны аман джарымаз.
- Кютгени беш эчки, сызгъыргъаны уа, джерни джарады.
- Уллу къазанда бишген эт, чий къалмаз.
- Шекер бла туз – бир болмаз, ушамагъан – юй болмаз.
- Рысхы – насыбха къор.
- Билимли ёлмез, билимсиз кёрмез.
- Элни кючю – эмеген.
- Ашда – бёрю, ишде – ёлю.
- Баш – акъыл ючюн, акъылман – халкъ ючюн.
- Аллахдан тилесенг, кёб тиле.
- Иесиз малны бёрю ашар.
- Ауругъан – джашаудан умутчу.
- Сабыр джетер муратха, сабырсыз къалыр уятха.
- Ёксюзню тилеги къабыл болур.
- Шайтан алдады, тюзлюк къаргъады.
- Кирсизни – саны таза, халалны – къаны таза.
- Джуртун къоругъан озар.
- Соргъан айыб тюлдю, билмеген айыбды.
- Эринчекге кюн узун.
- Аджал соруб келмез, келсе, къайтыб кетмез.
- Джашда акъыл джокъ, къартда къарыу джокъ.
- Ашатыргъа иш – ашхы, ишлетирге аш – ашхы.
- Башланнган иш битер, къымылдагъан тиш тюшер.
- Билимсиз иш бармаз.
- Тил – миллетни джаны.
- Онгсузну – джакъла, тенгликни – сакъла.
- Тай асырагъан, атха минер.