Эльбрусоид :: Эльбрусоид

Нёгер болсанг, тенг бол, тенг болмасанг, кенг бол.
Къайгъыны сюйген, къайгъы табар.
Чомартха хар кюн да байрамды.
Онгсузну – джакъла, тенгликни – сакъла.
Сабийни джумушха джибер да, ызындан бар.
Аман къатын сабий табса, бий болур…
Ач къарным, тынч къулагъым.
Ичимден чыкъды хата, къайры барайым сата?
Татлы сёз – балдан татлы.
Кюлме джашха – келир башха.
Эринчекни аурууу – кёб.
Чарсда алчыны эл кёреди.
Ариу сёз джыланны орнундан чыгъарыр.
Джылар джаш, атасыны сакъалы бла ойнар.
Ашхы атаны – джашы ашхы, ашхы ананы – къызы ашхы.
Малны кют, джерни тюрт.
Аш хазыр болса, иш харам болур.
Окъугъан озар, окъумагъан тозар.
Ариу сёз – къылычдан джити.
Ашхы тенг джолгъа салыр, аман тенг джолдан тайдырыр.
Халкъгъа джарагъан, джарлы къалмаз.
Байдан умут эте, джарлыдан ёгюз багъасы къорады.
Тёрени джагъы джокъ.
Айран ичген – къутулду, джугъусун джалагъан – тутулду.
Ана къолу ачытмаз.
Таукел къуру къалмаз.
Чакъырылмагъан джерге барма, чакъырылгъан джерден къалма.
Атадан ёксюз – бир ёксюз, анадан ёксюз – эки ёксюз.
Эрине къаргъыш этген къатын, эрнин къабар.
Элге къуллукъ этмеген, элге ие болмаз.
Хантына кёре тузу, юйюне кёре къызы.
Ётюрюкчюню шагъаты – къатында.
Ётген ёмюр – акъгъан суу.
Мал тутхан – май джалар.
Тенгни тенглиги джашай барсанг билинир.
Телини эшигин, махтау джабар.
Садакъачыны джаны – къапчыгъында.
Халкъны юйю – туугъан джери.
Экеулен сёлеше тура эселе, орталарына барыб кирме.
Нафысынгы айтханын этме, намысынгы айтханын эт.
Къар – келтирди, суу – элтди.
Эм уллу байлыкъ – джан саулукъ.
Гитче джилтин уллу элни джандырыр.
Ёлюр джаннга, ёкюл джокъ.
Ат басханны джер билед.
Сагъышы джокъ – джукъучу, акъылы джокъ – къаугъачы.
Телиге акъыл салгъандан эсе, ёлгеннге джан салырса.
Аман адам элни бир-бирине джау этер.
Кёзден кетген, кёлден да кетеди.
Суу кетер, таш къалыр.