- Къыз чыгъаргъан – къызыл къымжа.
- Хар ишни да аллы къыйынды.
- Тил – миллетни джаны.
- Дуния мал дунияда къалады.
- Ариу сёз – джаннга азыкъ, аман сёз – башха къазыкъ.
- Сууда джау джокъ, кёб сёзде магъана джокъ.
- Аманны къуугъан, аманлыкъ табар.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Адебсиз адам – джюгенсиз ат.
- Тин – байлыгъынг, терен саулугъунг.
- Ишни аллы бла къууанма да, арты бла къууан.
- Аллахха ийнаннган кишини, Аллах онгдурур ишин.
- Джахил болса анасы, не билликди баласы?
- Кийиминг бла танылма, адамлыкъ бла таныл.
- Термилгенинги табмазса, кюлгенинге тюберсе.
- Итли къонакъ джарашмаз.
- Эки итни арасына сюек атма, эки адамны арасында сёз чыгъарма.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ашаса, ашамаса да, бёрюню ауузу – къан.
- Тилчи тилден къаныкъмаз.
- Ата – баланы уясы.
- Биреуню къыйынлыгъы бла кесинге джол ишлеме.
- Хар сёзню орну барды.
- Адеб джокъда, намыс джокъ.
- Ётюрюк хапар аякъ тюбю бла джюрюйдю.
- Кечеси – аяз, кюню – къыш, джарлы къаргъагъа бир аш тюш!
- Кесинг сынамагъан затны, адамгъа буюрма.
- Юре билмеген ит, къонакъ келтирир.
- Джюрекге ариу – кёзге да ариу.
- Ёксюзню тилеги къабыл болур.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Гугук кесини атын айтыб къычыргъанча, мен, мен деб нек тураса?
- Бек анасы джыламаз.
- Джашлыкъ этмеген, башлыкъ этмез.
- Айтхан сёзюне табылгъан.
- Айран тёгюлсе, джугъусу къалыр.
- Къайгъыны сюйген, къайгъы табар.
- Ётюрюкчюню шагъаты – къатында.
- Гырджын – тепсини тамадасы.
- Окъугъан – асыу, окъумагъан – джарсыу.
- Эртде тургъан джылкъычыны эркек аты тай табар.
- Чабакъ башындан чирийди.
- Бермеген къол, алмайды.
- Окъуу – билимни ачхычы, окъуу – дунияны бачхычы.
- Оюмсуз атлагъан, аджалсыз ёлюр.
- Иги сеники эсе да, сюйген кесимикин этеме.
- Рысхы джалгъанды: келген да этер, кетген да этер.
- Сютню башын джалагъан къутулур, тюбюн ичген тутулур.
- Эр абынмай, эл танымаз.
- Ата джурт – алтын бешик.