Эльбрусоид :: Эльбрусоид

Чабакъгъа акъыл, табагъа тюшсе келеди.
Бал чибинни ургъаны – ачы, балы – татлы.
Намысы болмагъанны, сыйы болмаз.
Къарт айтханны этмеген, къартаймаз.
Бозанг болмагъан джерге, къалагъынгы сукъма.
Ётюрюкчюню шагъаты – къатында.
Джол бла сёзню къыйыры джокъ.
Ашарыкъда сайлагъаннга – чий гырджын.
Кёб джашагъан – кёб билир.
Билим къая тешер.
Чыкълы кюнде чыкъмагъан, чыкъса къуру кирмеген.
Джаным-тиним – окъуу, билим.
Билимли ёлмез, билимсиз кёрмез.
Алтыннга тот къонмаз.
Кесине оноу эте билмеген, халкъына да эте билмез.
Ёлген ийнек сютлю болур.
Малны кют, джерни тюрт.
Къан бла кирген, джан бла чыгъар.
Адамгъа аман кюн соруб келмейди.
Намысы джокъну – дуниясы джокъ.
Джукъу тёшек сайламайды.
Ётюрюкден тюбю джокъ, кёлтюрюрге джиби джокъ.
Ётюрюк хапар аякъ тюбю бла джюрюйдю.
Тёрде – темир таякълы, къаяда – чыпчыкъ аякълы.
Ханы къызы буюгъа-буюгъа киштик болду.
Башда акъыл болмаса, эки аякъгъа кюч джетер.
Эшекге миннген – биринчи айыб, андан джыгъылгъан – экинчи айыб.
Сабыр джетер муратха, сабырсыз къалыр уятха.
Этни да ашады, бетни да ашады.
Къазанда болса, чолпугъа чыгъар.
Чакъырылгъанны аты, чакъырылмагъанны багъасы болур.
Ишленмеген джаш – джюгенсиз ат, ишленмеген къыз – тузсуз хант.
Аманнга игилик этсенг, юйюнге сау бармазса.
Аз сёлеш, кёб ишле.
Бермеген къол, алмайды.
Ётген ёмюр – акъгъан суу.
Айранын берсенг, челегин да къызгъанма.
Тели турса – той бузар.
Байма, деб да, къууанма, джарлыма, деб да, джылама.
Кюлме джашха – келир башха.
Мадар болса, къадар болур.
Адамны аманы адамны бети бла ойнар.
Къатын къылыкъсыз, эр тынчлыкъсыз.
Къартха ушагъан джаш – акъыллы, джашха ушагъан къарт – тели.
Аджаллыгъа окъсуз шкок атылыр.
Акъыллы айтыр эди, акъылсыз къоймайды.
Ойнай-ойнай кёз чыгъар.
Айныгъанлы алты кюн, тогъайгъанлы тогъуз кюн.
Чомарт къолда мал къалмаз.
Ётюрюкню башын керти кесер.