- Къызын тута билмеген, тул этер, джашын тута билмеген, къул этер.
- Гугурук къычырмаса да, тангны атары къалмаз.
- Хар адамгъа кеси миннген тау кибик.
- Аман адам элни бир-бирине джау этер.
- Суу да къайтады чыкъгъан джерине.
- Тау башында, тау болмаз, джангыз терек, бау болмаз.
- Къайтырыкъ эшигинги, къаты уруб чыкъма.
- Чабакъ башындан чирийди.
- Накъырданы арты керти болур.
- Тойгъан антын унутур.
- Кийимни бичсенг, кенг бич, тар этген къыйын тюлдю.
- Къарны аманнга къазан такъдырма, къолу аманнга от джакъдырма.
- Келинин тута билмеген, къул этер, къызын тута билмеген, тул этер.
- Бозаны арты дауур болур.
- Ишни ахырын ойламай, аллын башлама.
- Ишлемеген – тишлемез.
- Джан саулукъ бермей, сан саулукъ бермезсе.
- Бал ашаргъа сюе эсенг, чибин ургъаннга тёз.
- Элиб деген, элге болушур.
- Агъач халкъгъа алтынды, иссиликге салкъынды.
- Джолда аягъынга сакъ бол, ушакъда тилинге сакъ бол.
- Уллу сёлешме да, уллу къаб.
- Сютню башын джалагъан къутулур, тюбюн ичген тутулур.
- Башда акъыл болмаса, эки аякъгъа кюч джетер.
- Тамчы таш тешер.
- Кесине гебен этелмеген, биреуге черен эте эди.
- Кимни – тили, тиши онглу, кимни – къолу, иши онглу.
- Къонакъ аман болса, къонакъбай джунчур
- Ач, тоймам, дейди, тойгъан, ач болмам, дейди.
- Джумушакъ терекни къурт ашар.
- Иги адамны бир сёзю эки болмаз.
- Аз сёлеш, кёб ишле.
- Мураты болгъанны джюрек тебюую башхады.
- Aдам боллукъ, сыфатындан белгили.
- Элни кючю – эмеген.
- Уллу къашыкъ эрин джыртар.
- Ат басханны джер билед.
- Байлыкъ болгъан джерде, тынчлыкъ джокъду.
- Къонакъны къачан кетерин сорма, къачан келлигин сор.
- Оюмсуз атлагъан, аджалсыз ёлюр.
- Урама да – ёледи, сатама да – келеди.
- Малны кют, джерни тюрт.
- Сыфатында болмагъаны, суратында болмаз.
- Иши джокъну, сыйы джокъ.
- Ётюрюкден тюбю джокъ, кёлтюрюрге джиби джокъ.
- Эртде тургъан бла эртде юйленнген сокъуранмаз.
- Байны къызы баймакъ болса да, юйде къалмаз!
- Джол бла сёзню къыйыры джокъ.
- Сабыр джетер муратха, сабырсыз къалыр уятха.
- Билимсиз иш бармаз.