- Айтылгъан буйрукъ, сёгюлмез
- Къыйынлы джети элни къайгъысын этер.
- Арбаз сайлама да, хоншу сайла.
- Джахил болса анасы, не билликди баласы?
- Тюкюрюк баш джармаз, налат кёз чыгъармаз!
- Магъанасыз сёз – тауушсуз сыбызгъы.
- Мухарны эси – ашарыкъда.
- Ариу сёз джыланны орнундан чыгъарыр.
- Джукъу тёшек сайламайды.
- Аман адам этегингден тутса, кес да къач.
- Къазанчы аман болса, къазаны къайнамаз.
- Къарын къуру болса, джюрек уру болур.
- Ачлыкъ отха секиртир.
- Ишни аллы бла къууанма да, арты бла къууан.
- Къатын байлыкъны сюер, эр саулукъну сюер.
- Айырылмаз джууугъунга, унутмаз сёзню айтма.
- Эл ауузу – элия.
- Зар адам ашынгы ашар, кесинги сатар.
- Нарт сёз – тилни бети.
- Къайгъыны сюйген, къайгъы табар.
- Джюрекден джюрекге джол барды.
- Башланнган иш битер, къымылдагъан тиш тюшер.
- Ач келгенни – тойдур, кеч келгенни – къондур.
- Кюл тюбюндеги от кёрюнмейди.
- Кийимни бичсенг, кенг бич, тар этген къыйын тюлдю.
- Азыкъ аз болса, эртде орун сал.
- Чакъырылгъанны аты, чакъырылмагъанны багъасы болур.
- Джан саулукъ бермей, сан саулукъ бермезсе.
- Эл бла кёргенинг эрелей.
- Ачыу алгъа келсе, акъыл артха къалады.
- Баргъанынга кёре болур келгенинг.
- Ёксюзню тилеги къабыл болур.
- Бастасын ашагъан, хантусун да ичер.
- Адам сёзге тынгыла, акъыл сёзню ангыла.
- Адебсиз адам – джюгенсиз ат.
- Иги болса, тамадама – махтау, аман болса, меннге – айыб.
- Ашлыкъны арба юйге келтирир, чана базаргъа элтир.
- Суугъа – чабакъ, къаягъа – ыргъакъ.
- Джеринден айырылгъан – джети джылар, джуртундан айырылгъан – ёлгюнчю джылар.
- Юре билмеген ит, къонакъ келтирир.
- Алтыда кюлмеген, алтмышда кюлмез.
- Халкъны джырын джырласанг, халкъ санга эжиу этер.
- Сёз – кюмюш, джыр – алтын.
- Чакъырылмагъан къонакъ къачан кетерин сормаз.
- Тенги кёбню джау алмаз, акъылы кёбню дау алмаз.
- Орундукъ тюбюнде атылсам да, орта джиликме, де да айлан.
- Ач да бол, токъ да бол – намысынга бек бол.
- Эринчекни аурууу – кёб.
- Джетген къыз джерли эшекни танымаз.
- Биреу ашаб къутулур, биреу джалаб тутулур.