- Ким бла джюрюсенг, аны кёзю бла кёрюнюрсе.
- Кимни – тили, тиши онглу, кимни – къолу, иши онглу.
- Башы джабылгъан челекге, кир тюшмез.
- Иги – алгъыш этер, аман – къаргъыш этер.
- Адебсиз адам – джюгенсиз ат.
- Аманнга да, игиге да оноусуз къатышма.
- Акъыллы айтыр эди, акъылсыз къоймайды.
- Тойгъанлыкъ къойгъа джарашады.
- Къонагъы джокъну – шоху джокъ.
- Ханнга да келеди хариблик.
- Рысхы – сют юсюнде кёмюк кибикди.
- Ачыу алгъа келсе, акъыл артха къалады.
- Ашхы атаны – джашы ашхы, ашхы ананы – къызы ашхы.
- Чомартны къолун джокълукъ байлар.
- Уллу атлама – абынырса, уллу къабма – къарылырса.
- Уллу сёлешме да, уллу къаб.
- Керилген да, ургъан кибикди.
- Намысы джокъну – дуниясы джокъ.
- Айран тёгюлсе, джугъусу къалыр.
- Къарнынг къанлынга кийирир.
- Юре билмеген ит, къонакъ келтирир.
- Кечеси – аяз, кюню – къыш, джарлы къаргъагъа бир аш тюш!
- Кирсизни – саны таза, халалны – къаны таза.
- Тилсиз миллет джокъ болур.
- Къатын къылыкъсыз, эр тынчлыкъсыз.
- Эски джаугъа ышанма.
- Тилчи бир сагъатха айлыкъ хата этер.
- Халкъгъа джарагъан, джарлы къалмаз.
- Онгсузну – джакъла, тенгликни – сакъла.
- Айырылмаз джууугъунга, унутмаз сёзню айтма.
- Адамны джюреги нени кёрюрге сюйсе, кёзю да аны кёрюрге ёч болады.
- Мени джылытмагъан кюн, меннге тиймесин!
- Таякъ этден ётер, тил сюекден ётер.
- Чакъырылмагъан къонакъ – орунсуз.
- Ушамагъан – джукъмаз.
- Сагъыш – къартлыкъгъа сюйюмчю.
- Къызын тута билмеген, тул этер, джашын тута билмеген, къул этер.
- Тешик этген тынчды, аны джамагъан къыйынды.
- Ат басханны джер билед.
- «Ма», - дегенни билмесенг, «бер», - дегенни билмезсе.
- Этни да ашады, бетни да ашады.
- Аманнга алтын чыдамаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ач, тоймам, дейди, тойгъан, ач болмам, дейди.
- Джюрекден джюрекге джол барды.
- Къарт айтханны этмеген, къартаймаз.
- Джюрек кёзден алгъа кёрюр.
- Ётюрюкчюню шагъаты – къатында.
- Адам боллукъ, атламындан белгили болур.
- Башы ишлегенни, ауузу да ишлер.