- Джарлыны эшигин махтагъан джабар.
- Кюлме джашха – келир башха.
- Джетген къыз джерли эшекни танымаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Джюрекден джюрекге джол барды.
- Зар адамны насыбы болмаз.
- Элде адам къалмаса, ит тахтагъа минер.
- Байлыкъ тауусулур, билим тауусулмаз.
- Итли къонакъ джарашмаз.
- Эски джаугъа ышанма.
- Бастасын ашагъан, хантусун да ичер.
- Агъач халкъгъа алтынды, иссиликге салкъынды.
- Ёлюр джаннга, ёкюл джокъ.
- Борчунг бар эсе, хурджунунга ойлаб узал.
- Ишни аллы бла къууанма да, арты бла къууан.
- Эки элинги тыйсанг, джети элде махталырса.
- Акъыллы – эл иеси, тели – эл баласы.
- Ойнай-ойнай кёз чыгъар.
- Акъыллы айтыр эди, акъылсыз къоймайды.
- Ариу – кёзге, акъыл – джюрекге.
- Хаухну атма, ёнгкючню сатма.
- Эм уллу байлыкъ – джан саулукъ.
- Иги адамны бир сёзю эки болмаз.
- Сёз сёзню айтдырыр.
- Ханы къызы буюгъа-буюгъа киштик болду.
- Ашха уста, юйюнде болсун
- Таукелге нюр джауар.
- Игилик игилик бла сингдирилиучю затды.
- Къозулугъунда тоймагъан, къойлугъунда тоймаз.
- Тойгъандан сора, ашны сёкме.
- Кёлю джокъну – джолу джокъ.
- Джолда аягъынга сакъ бол, ушакъда тилинге сакъ бол.
- Ашлыкъны арба юйге келтирир, чана базаргъа элтир.
- Кёбден умут этиб, аздан къуру къалма.
- Ашхы атаны – джашы ашхы, ашхы ананы – къызы ашхы.
- Байлыкъ келсе, акъыл кетер.
- Гырджын – тепсини тамадасы.
- Ач – эснер, ат – кишнер.
- Джарлы тюеге минсе да, ит къабар.
- Аман адам этегингден тутса, кес да къач.
- Аман къатын сабий табса, бий болур…
- Биреу ашаб къутулур, биреу джалаб тутулур.
- Кёб къычыргъандан – къоркъма, тынч олтургъандан – къоркъ.
- Къан бла кирген, джан бла чыгъар.
- Татлы сёз – балдан татлы.
- Абынмазлыкъ аякъ джокъ, джангылмазлыкъ джаякъ джокъ.
- Ёзденликни кёбю ётюрюк.
- Эри аманны, къатыны – аман.
- Акъыллы башны – тили къысха.
- Гугук кесини атын айтыб къычыргъанча, мен, мен деб нек тураса?
Урал, Болгария, Катар, Кавказ, Иран
03.10.2012