- Кёз – сюйген джерде, къол – ауругъан джерде.
- Ишлемеген – тишлемез.
- Тил – миллетни джаны.
- Эл элде бирер малынг болгъандан эсе, бирер тенгинг болсун.
- Накъырданы арты керти болур.
- Джюрек кёзден алгъа кёрюр.
- Нарт сёз – тилни бети.
- Онгсузну – джакъла, тенгликни – сакъла.
- Адамны джюреги нени кёрюрге сюйсе, кёзю да аны кёрюрге ёч болады.
- Тойгъа алгъа да барма, тойда артха да къалма.
- Аман адам элни бир-бирине джау этер.
- Таукел тауну аудурур.
- Эте билген, этген этеди, эте билмеген, юретген этеди!
- Зар адамны насыбы болмаз.
- Кёкдеги болмаса, джердегин кёрмейди.
- Баш болса, бёрк табылыр.
- Эки къатын алгъан – эки ташны ортасына башын салгъан.
- Билгенни къолу къарны джандырыр.
- Келинни – келгинчи, бёркню кийгинчи кёр.
- Мухарны эси – ашарыкъда.
- Къарт болгъан джерде, берекет болур, сабий болгъан джерде, оюн болур.
- Джашлыкъ этмеген, башлыкъ этмез.
- Иги – алгъыш этер, аман – къаргъыш этер.
- Чомартха Тейри да борчлуду.
- Харам къарнашдан, халал тенг ашхы.
- Билимден уллу байлыкъ джокъду.
- Таукел къуру къалмаз.
- Джырына кёре эжиую.
- Мал кёб болса, джууукъ кёб болур.
- Ёпкелегенни ашы татлы болады.
- Шапа кёб болса, аш татымсыз болур.
- Ханнга да келеди хариблик.
- Акъыл аздырмаз, билим тоздурмаз.
- Илму – джашауну джолу.
- Аджал соруб келмез, келсе, къайтыб кетмез.
- Малны кют, джерни тюрт.
- Акъылсызны джууукъгъа алма, акъыллыны кенгнге салма.
- Эм уллу байлыкъ – джан саулукъ.
- Эркиши – от, тиширыу – суу.
- Ач къарным, тынч къулагъым.
- Мухар, кеси тойса да, кёзю тоймаз.
- Эллинг бла джау болсанг да, юйюнг бла джау болма.
- Билим къая тешер.
- Бал чибинни ургъаны – ачы, балы – татлы.
- Ауузу аманнга «иги», деме.
- Башынга джетмегенни сорма.
- Ишлегенден, къарагъан уста.
- Эркишини аманы тиширыуну джылатыр.
- Кёбню кёрген – кёб билир.
- Билген билмегенни юретген адетди.