- Рысхысына кёре, джаш ёсер, къышлыгъына кёре, мал ёсер.
- Бермеген къол, алмайды.
- Орну джокъну – сыйы джокъ.
- Джолда аягъынга сакъ бол, ушакъда тилинге сакъ бол.
- Айтылгъан буйрукъ, сёгюлмез
- Ашыкъгъан cуу, тенгизге джетмез.
- Айныгъанлы алты кюн, тогъайгъанлы тогъуз кюн.
- Берекет берсин деген джерде, берекет болур.
- Ачылгъан эт джабылыр, кёрген кёз унутмаз.
- Тил джюрекге джол ишлейди.
- Суу да къайтады чыкъгъан джерине.
- Джерни букъусу кёкге къонмаз.
- Рысхы – насыбха къор.
- Иги болса, тамадама – махтау, аман болса, меннге – айыб.
- Бек ашыкъгъан меннге джетсин, дегенди аракъы.
- Билим насыб берир, билим джолну керир.
- Иги – алгъыш этер, аман – къаргъыш этер.
- Телиге акъыл салгъандан эсе, ёлгеннге джан салырса.
- Тас болгъан бычакъны сабы – алтын.
- Чомарт къолда мал къалмаз.
- Эр сокъур болсун, къатын тилсиз болсун.
- Ауругъан – джашаудан умутчу.
- Ариу сёз аурууунгу алыр.
- Окъуусуз билим – джокъ, билимсиз кюнюнг – джокъ.
- Сыфатында болмагъаны, суратында болмаз.
- Башланнган иш битер, къымылдагъан тиш тюшер.
- Къонакъ болсанг, ийнакъ бол.
- Адебни адебсизден юрен.
- Аллахдан тилесенг, кёб тиле.
- Керти сёзге тёре джокъ.
- Аджаллыгъа окъсуз шкок атылыр.
- Чыбыкълыкъда бюгюлмеген, къазыкълыкъда бюгюлмей эди.
- Джетген къыз джерли эшекни танымаз.
- Уллу атлама – абынырса, уллу къабма – къарылырса.
- Кийимни бир кюнню аясанг, минг кюннге джарар.
- Чакъырылмагъан къонакъ – орунсуз.
- Экеу тутушса, биреу джыгъылыр.
- Дуния малгъа сатылма, кесингден телиге къатылма.
- Джангыз терек къынгыр ёсер.
- Къууут – джелге, берне – бошха.
- Ата Джуртун танымагъан, атасын да танымаз.
- Алма терегинден кери кетмез.
- Окъдан джара эртде-кеч болса да бителир, сёз джара, ёмюрге къалыр.
- Къонакъ аз олтурур, кёб сынар.
- Билеги кючлю, бирни джыгъар, билими кючлю, мингни джыгъар.
- Таш ата билмеген, башына урур.
- Атынг аманнга чыкъгъандан эсе, джанынг тамагъынгдан чыкъсын.
- Кёлю джокъну – джолу джокъ.
- Ётюрюкчюню шагъаты – къатында.
- Адамны аты башхача, акъылы да башхады.