- Къонакъ аман болса, къонакъбай джунчур
- Къартны бурнун сюрт да, оноугъа тут.
- Адебсиз адам – джюгенсиз ат.
- Мухардан ач ычхынмаз.
- Адам къаллай бир ишленмесе, аллай бир кесин уллу кёреди.
- Дуния мал дунияда къалады.
- Аман къатын сабий табса, бий болур…
- Терек ауса, отунчу – кёб.
- Душманны тышы – акъ, ичи – къара.
- Уллу суу бла уллу ауруудан башынгы сакъла.
- Бир абыннган – минг сюрюнюр.
- Юйлю уругъа ит чабмаз.
- Урама да – ёледи, сатама да – келеди.
- Тынгылагъан тынгы бузар.
- Къыз тиширыу кеси юйюнде да къонакъды.
- Джол бла сёзню къыйыры джокъ.
- Намыс сатылыб алынмайды.
- Башсыз урчукъ тюзюне айланмаз.
- Эринчекге кюн узун.
- Суу кетер, таш къалыр.
- Ётюрюк хапар аякъ тюбю бла джюрюйдю.
- Акъыл къартда, джашда тюйюлдю – башдады.
- Мени джылытмагъан кюн, меннге тиймесин!
- Ауругъанны сау билмез, ач къарынны токъ билмез.
- Джигер – джаннга къыйынлыкъ.
- Хаухну атма, ёнгкючню сатма.
- Ариу сёз – къылычдан джити.
- Къызбайны юйюне дери сюрсенг, батыр болур.
- Джарлыны тону джаз битер.
- Сёлеш деб шай берген, тохта деб, сом берген.
- Агъач – джерни чырайы, кийим – эрни чырайы.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Малны кют, джерни тюрт.
- Джерни букъусу кёкге къонмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Кёл – къызбай, къол – батыр.
- Ургъан суудан башынгы сакъла.
- Тели турса – той бузар.
- Ёлюр джаннга, ёкюл джокъ.
- Дуния малгъа сатылма, кесингден телиге къатылма.
- Кёзю сокъурдан – къоркъма, кёлю сокъурдан – къоркъ.
- Экеу тутушса, биреу джыгъылыр.
- Бек ашыкъгъан меннге джетсин, дегенди аракъы.
- Ат да турмайды бир териде.
- Агъач халкъгъа алтынды, иссиликге салкъынды.
- Эшекни не къадар тюйсенг да, ат болмаз.
- Чомарт къолда мал къалмаз.
- Адам сёзюнден белгили.
- Ана къолу ачытмаз.
- Элиб деген, элге болушур.