Эльбрусоид :: Эльбрусоид :: Тейриберды башындан.

Эллинг бла джау болсанг да, юйюнг бла джау болма.
Нарт сёз къарт болмаз.
Ашхы атаны – джашы ашхы, ашхы ананы – къызы ашхы.
Дуния мал дунияда къалады.
Сангырау къулакъ эл бузар.
Кёбден умут этиб, аздан къуру къалма.
Аз сёлешген, къайгъысыз турур.
Къыйынлы джети элни къайгъысын этер.
Джарлыны эшигин махтагъан джабар.
Бети къызарыучу адамны, джюреги харам болмаз.
Экеулен сёлеше тура эселе, орталарына барыб кирме.
Бёрю да ач къалмасын, эчки да ашалмасын.
Тынгылагъан тынгы бузар.
Аякъларынгы джууургъанынга кёре узат.
Аманнга да, игиге да оноусуз къатышма.
Уллу атлама – абынырса, уллу къабма – къарылырса.
Билгенни къолу къарны джандырыр.
Джангыз торгъай джырламаз.
Айырылгъанланы айю ашар, бёлюннгенлени бёрю ашар.
Тулпарлыкъ, билекден тюл – джюрекден.
Атадан ёксюз – бир ёксюз, анадан ёксюз – эки ёксюз.
Тюз сёз баргъан сууну тыяр.
Ариу – кёзге, акъыл – джюрекге.
Аллахдан тилесенг, кёб тиле.
Ашхы – джыяр, аман – джояр.
Аманны эки битли тону болур, бирин сеннге кийдирир, бирин кеси киер.
Бек анасы джыламаз.
Сакъламагъан затынга джолукъсанг, не бек къууанаса, не бек ачыйса.
Aдам боллукъ, сыфатындан белгили.
Сескекли кесин билдирир.
Насыб бютеу халкъны юлюшюдю.
Мухарны эси – ашарыкъда.
Аз сёлеш, кёб ишле.
Акъыллы – эл иеси, тели – эл баласы.
Джырына кёре эжиую.
Суу кетер, таш къалыр.
Эте билген, этген этеди, эте билмеген, юретген этеди!
Нафысынгы айтханын этме, намысынгы айтханын эт.
Къуру гыбыт бек дыгъырдар.
Сагъыш – къартлыкъгъа сюйюмчю.
Чакъырылгъанны аты, чакъырылмагъанны багъасы болур.
Къыз тиширыу кеси юйюнде да къонакъды.
Акъыллы эркиши атын махтар, акъылсыз эркиши къатынын махтар.
Кёзю сокъурдан – къоркъма, кёлю сокъурдан – къоркъ.
Айтхан – тынч, этген – къыйын.
Акъыл бла адеб эгизледиле.
Тин – байлыгъынг, терен саулугъунг.
Эринчекге кюн узун.
Итли къонакъ джарашмаз.
Къайгъыны сюйген, къайгъы табар.