- Ауругъаннга – кийик саулукъ, джетген къызгъа – чилле джаулукъ.
- Тойгъандан сора, ашны сёкме.
- Ата джурт – алтын бешик.
- Ишленмеген джаш – джюгенсиз ат, ишленмеген къыз – тузсуз хант.
- Джырчы джырчыгъа – къарнаш.
- Аууз сакълагъан – джан сакълар.
- Сакъалы текени да бар, мыйыгъы киштикни да бар.
- Узун джолну барсанг, бюгюн келирсе, къысха джолну барсанг, тамбла келирсе.
- Хатерли къул болур.
- Айтхан сёзюне табылгъан.
- Къатын байлыкъны сюер, эр саулукъну сюер.
- Кечеси – аяз, кюню – къыш, джарлы къаргъагъа бир аш тюш!
- Тюзню ётмеги тюзде къалса да, тас болмаз.
- Чабакъсыз кёлге къармакъ салгъанлыкъгъа, чабакъ тутмазса.
- Ишин билген, аны сыйын чыгъарады.
- Кёкдеги болмаса, джердегин кёрмейди.
- Мени джылытмагъан кюн, меннге тиймесин!
- Малны кют, джерни тюрт.
- Танг атмайма десе да, кюн къоярыкъ тюйюлдю.
- Къан бла кирген, джан бла чыгъар.
- Адамны сабийин сюйген джюреги, бычакъча, джитиди.
- Башы джабылгъан челекге, кир тюшмез.
- Ашхы адам – халкъ байлыгъы, ашхы джер – джашау байлыгъы.
- Олтуруб кёрюнмей эди да, ёрге туруб кёрюне эди.
- Мухар, кеси тойса да, кёзю тоймаз.
- Окъ къызбайны джокълайды.
- Ашхы сёз таш тешер.
- Айранны сюйген, ийнек тутар.
- Эки къатын алгъан – эки ташны ортасына башын салгъан.
- Ургъан суудан башынгы сакъла.
- Тойгъанлыкъ къойгъа джарашады.
- Баргъанынга кёре болур келгенинг.
- Тюзлюк тас болмайды.
- Ышармагъан – кюлмез, кюлмеген – къууанчны билмез.
- Таула не мийик болсала да, аууш табылыр.
- Чомарт къолда мал къалмаз.
- Иги – алгъыш этер, аман – къаргъыш этер.
- Агъач халкъгъа алтынды, иссиликге салкъынды.
- Сютден ауузу кюйген, суугъа юфгюре эди.
- Эм уллу байлыкъ – джан саулукъ.
- Татлы сёз – балдан татлы.
- Кёрмегеннге кебек – танг, битмегеннге сакъал – танг.
- Ана кёлю – балада, бала кёлю – талада.
- Ашхы атаны – джашы ашхы, ашхы ананы – къызы ашхы.
- Хар зат кесини орнуна иги.
- Аманны къуугъан, аманлыкъ табар.
- Айранын берсенг, челегин да къызгъанма.
- Борчунг бар эсе, хурджунунга ойлаб узал.
- Эрине къаргъыш этген къатын, эрнин къабар.
- Иги сёз – джаннга азыкъ, аман сёз башха – къазыкъ.
Тейриберды башындан.
|