Эльбрусоид :: Эльбрусоид :: Тейриберды башындан.

Атлыны ашхысы, ат тизгининден билинир
Тынгылагъан тынгы бузар.
Джарлы эскисин джамаса, къууаныр.
Аурууну келиую тынч, кетиую – къыйын.
Тюзлюк тас болмайды.
Гитче джилтин уллу элни джандырыр.
Чомартны къолу берекет.
Сёз сёзню айтдырыр.
Аман эсирсе, юйюн ояр.
Къыйынлы джети элни къайгъысын этер.
Къоркъакъны кёзю экили кёрюр.
Ёлген ийнек сютлю болур.
Сакъалы текени да бар, мыйыгъы киштикни да бар.
Ата – билек, ана – джюрек!
Къыз чыгъаргъан – къызыл къымжа.
Тамбла алтындан бюгюн багъыр ашхы.
Тёрдеги кюлсе, эшикдеги ышарыр.
Таякъ этден ётер, тил сюекден ётер.
Адам бла мюлк юлешмеген эсенг, ол адамны билиб бошагъанма, деб кесинги алдама.
Ариу – кёзге, акъыл – джюрекге.
Эринчекни эр алмаз, эр алса да, кёл салмаз, кёл салса да, кёб бармаз!
Иги бла джюрюсенг, джетерсе муратынга, аман бла джюрюсенг, къалырса уятха.
Байны къызы баймакъ болса да, юйде къалмаз!
Къонакъ болсанг, ийнакъ бол.
Ана – юйню кюн джарыгъы.
Джаш болсун, къыз болсун, акъылы, саны тюз болсун.
Кийим тукъум сордурур.
Байлыкъ болгъан джерде, тынчлыкъ джокъду.
Ауругъан – джашаудан умутчу.
Арба аугъандан сора, джол кёргюзтюучю кёб болур.
Хаухну атма, ёнгкючню сатма.
Сагъышы джокъ – джукъучу, акъылы джокъ – къаугъачы.
Къонакъ аман болса, къонакъбай джунчур
Ашхы тенг джолгъа салыр, аман тенг джолдан тайдырыр.
Къыйынлы джети элге оноу этер.
Сёз – кюмюш, джыр – алтын.
Тилчи бир сагъатха айлыкъ хата этер.
Ашына кёре табагъы, балына кёре къалагъы.
Босагъа таш юйге кирмей эди, тыбыр таш эшикге чыкъмай эди.
Ишлемеген – тишлемез.
Этим кетсе да, сюегим къалыр.
Ачылгъан эт джабылыр, кёрген кёз унутмаз.
Чакъырылмагъан къонакъ тёрге атламаз.
Ханнга да келеди хариблик.
Этек чакъмакълары баш джаргъан, сёлешген сёзлери таш джаргъан.
Къайтырыкъ эшигинги, къаты уруб чыкъма.
Хар ишни да аллы къыйынды.
Джаш къарыу бла кючлю, къарт акъыл бла кючлю.
Аман къатын сабий табса, бий болур…
Бети къызарыучу адамны, джюреги харам болмаз.