Эльбрусоид :: Эльбрусоид :: Тейриберды башындан.

Тюзлюк шохлукъну бегитир.
Хар сёзню орну барды.
Билими азны – ауузунда кирит.
Уллу сёлешме да, уллу къаб.
Юреннген ауруу къалмаз.
Адам къаллай бир ишленмесе, аллай бир кесин уллу кёреди.
Айтхан сёзюне табылгъан.
Иесиз малны бёрю ашар.
Джарлы эскисин джамаса, къууаныр.
Къыйынлы джети элге оноу этер.
Эте билген, этген этеди, эте билмеген, юретген этеди!
Ана кёлю – балада, бала кёлю – талада.
Итли къонакъ джарашмаз.
Уруну арты – къуру.
Тил джюрекге джол ишлейди.
Элиб деген, элге болушур.
Сабийни джумушха джибер да, ызындан бар.
Окъуу – билимни ачхычы, окъуу – дунияны бачхычы.
Хар адамгъа кеси миннген тау кибик.
Бек ашыкъгъан меннге джетсин, дегенди аракъы.
Къыз тиширыу кеси юйюнде да къонакъды.
Къонакъ аман болса, къонакъбай джунчур
Билген билмегенни юретген адетди.
Чомарт бергенин айтмаз.
Иши джокъну, сыйы джокъ.
Башынга джетмегенни сорма.
Татлы сёз – балдан татлы.
Оюмсуз атлагъан, аджалсыз ёлюр.
Эркишиге тары кебек танг кёрюнюр.
Орну джокъну – сыйы джокъ.
Адамны джюреги нени кёрюрге сюйсе, кёзю да аны кёрюрге ёч болады.
Рысхы – сют юсюнде кёмюк кибикди.
Кесине оноу эте билмеген, халкъына да эте билмез.
Тиширыусуз юй – отсуз от джагъа.
Душманны тышы – акъ, ичи – къара.
Акъыл сабырлыкъ берир.
Ёгюзню мюйюзлери ауурлукъ этмейдиле.
Аз сёлешген, къайгъысыз турур.
Гугук кесини атын айтыб къычыргъанча, мен, мен деб нек тураса?
От кюйдюрген, сау болса да, тот кюйдюрген, сау болмаз.
Къызбайны юйюне дери сюрсенг, батыр болур.
Джети тилни билген джети кишиди.
Башда акъыл болмаса, эки аякъгъа кюч джетер.
Аш хазыр болса, иш харам болур.
Кютгени беш эчки, сызгъыргъаны уа, джерни джарады.
Билмегенинги, билгеннге сор.
Адам боллукъ, атламындан белгили болур.
Сескекли кесин билдирир.
Башланнган иш битер, къымылдагъан тиш тюшер.
Къазанны башы ачыкъ болса, итге уят керекди.